ബംഗാൾ ഉൾക്കടലിൽ ബുധനാഴ്ച പുലർച്ചെ മിതമായ ഭൂചലനം അനുഭവപ്പെട്ടു. റിക്ടർ സ്കെയിലിൽ 4.3 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്ന് നാഷണൽ സെന്റർ ഫോർ സീസ്മോളജി (NCS) അറിയിച്ചു (Bay of Bengal Earthquake).
ഫെബ്രുവരി 11 ബുധനാഴ്ച പുലർച്ചെ 05:12-നാണ് (IST) ഭൂചലനം ഉണ്ടായത്.കടലിനടിയിൽ 10 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രം എന്ന് കണ്ടെത്തിയിട്ടുണ്ട്. ഇതിന്റെ സ്ഥാനം 14.94° N അക്ഷാംശത്തിലും 90.18° E രേഖാംശത്തിലുമാണ്.കഴിഞ്ഞ വർഷം ഡിസംബറിലും ഇതേ മേഖലയിൽ സമാനമായ രീതിയിൽ 4.4 തീവ്രത രേഖപ്പെടുത്തിയ ഭൂചലനം ഉണ്ടായിരുന്നു. ഇത് മേഖലയിലെ തുടർച്ചയായ ഭൂഗർഭ ചലനങ്ങളെ സൂചിപ്പിക്കുന്നു.സമുദ്രമധ്യത്തിലായതിനാലും തീവ്രത കുറവായതിനാലും നാശനഷ്ടങ്ങളോ സുനാമി മുന്നറിയിപ്പോ റിപ്പോർട്ട് ചെയ്തിട്ടില്ല.
