ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് മാത്തമാറ്റിക്സ് പരീക്ഷാ പേപ്പറിലെ ക്യുആർ കോഡിനെ ചൊല്ലി സോഷ്യൽ മീഡിയയിൽ വൻ ചർച്ച (CBSE Class 12 Maths Exam Rickroll QR Code). പരീക്ഷാ പേപ്പറിന്റെ ഇടത് മൂലയിൽ നൽകിയിരുന്ന ക്യുആർ കോഡ് സ്കാൻ ചെയ്തപ്പോൾ ലഭിച്ചത് വിദേശത്തെ പ്രശസ്തമായ ഒരു മ്യൂസിക് വീഡിയോ ആണെന്നാണ് വിദ്യാർത്ഥികളും രക്ഷിതാക്കളും അവകാശപ്പെടുന്നത്. തിങ്കളാഴ്ച നടന്ന കണക്ക് പരീക്ഷയുടെ ചോദ്യപേപ്പറിനെ സംബന്ധിച്ചാണ് ഈ വെളിപ്പെടുത്തൽ.
ചോദ്യപേപ്പർ ചോർച്ച തടയുന്നതിനുള്ള സുരക്ഷാ നടപടിയായി 2018-ലാണ് സിബിഎസ്ഇ ക്യുആർ കോഡുകൾ അവതരിപ്പിച്ചത്. എന്നാൽ ഈ കോഡ് സ്കാൻ ചെയ്തപ്പോൾ റിക് ആസ്റ്റ്ലിയുടെ ‘നെവർ ഗോണ ഗിവ് യു അപ്പ്’ (Never Gonna Give You Up) എന്ന 1987-ലെ ഹിറ്റ് ഗാനത്തിലേക്കാണ് ഇത് നയിച്ചത്. ഇന്റർനെറ്റ് ലോകത്ത് ഏറെ പ്രശസ്തമായ ‘റിക്രോൾ’ (Rickroll) എന്ന പ്രാങ്ക് അഥവാ തമാശയാണിതെന്ന് നെറ്റിസൺസ് ചൂണ്ടിക്കാട്ടുന്നു. സ്കാൻ ചെയ്യുമ്പോൾ പ്രതീക്ഷിക്കാത്ത വീഡിയോകളിലേക്ക് ഉപയോക്താക്കളെ എത്തിക്കുന്ന രീതിയാണിത്.
Bhai ye mere friend ka math ka paper hai bas ek baar ye QR code scan kar lo 😭🙏🏻
This was not on my 2026 list CBSE 😭💔 pic.twitter.com/CDG7wnC2gP— Aaditya (@Aadityaparkash) March 9, 2026
ഒരു വിദ്യാർത്ഥി ക്യുആർ കോഡ് സ്കാൻ ചെയ്യുന്നതും ഉടൻ തന്നെ പാട്ട് തെളിയുന്നതുമായ വീഡിയോകൾ സോഷ്യൽ മീഡിയയിൽ വൈറലായിട്ടുണ്ട്. എന്നാൽ ഈ സംഭവത്തിൽ സിബിഎസ്ഇ ഇതുവരെ ഔദ്യോഗിക പ്രതികരണം നടത്തിയിട്ടില്ല. സാങ്കേതിക പിഴവാണോ അതോ ആരെങ്കിലും മനഃപൂർവ്വം ചെയ്തതാണോ എന്ന കാര്യത്തിൽ വ്യക്തതയില്ല. ഫെബ്രുവരി 17-ന് ആരംഭിച്ച പന്ത്രണ്ടാം ക്ലാസ് ബോർഡ് പരീക്ഷകൾ ഏപ്രിൽ 10-നാണ് അവസാനിക്കുന്നത്.
Summary
The CBSE Class 12 Mathematics exam question paper caused a social media stir after a QR code on it allegedly linked to Rick Astley’s “Never Gonna Give You Up” music video. Known as the “Rickroll” prank, images and videos of the scan went viral online.
