ന്യൂഡൽഹി: ഇന്ത്യ ആതിഥേയത്വം വഹിക്കുന്ന ആഗോള എഐ ഇംപാക്ട് ഉച്ചകോടിയിലെ നിർണ്ണായക സെഷനിൽ നിന്ന് ബിൽ ഗേറ്റ്സ് വിട്ടുനിൽക്കും. ഉച്ചകോടിയിൽ പങ്കെടുക്കുന്നതിനായി അദ്ദേഹം ഇന്ത്യയിൽ എത്തിയെങ്കിലും, അവസാന നിമിഷം പിന്മാറുന്നതായി ഔദ്യോഗികമായി അറിയിച്ചു.(Bill Gates pulls out of AI summit amid controversy)
ചടങ്ങിൽ അദ്ദേഹത്തിന് പകരം ഫൗണ്ടേഷൻ പ്രതിനിധി സംസാരിക്കും. ബിൽ ഗേറ്റ്സിന്റെ പങ്കാളിത്തത്തെ ചൊല്ലി കഴിഞ്ഞ ദിവസങ്ങളിൽ വലിയ രാഷ്ട്രീയ വിവാദങ്ങൾ ഉയർന്നിരുന്നു.
എപ്സ്റ്റീൻ ഫയൽസിൽ ബിൽ ഗേറ്റ്സിന്റെ പേര് പരാമർശിക്കപ്പെട്ട സാഹചര്യം ചൂണ്ടിക്കാട്ടി പ്രതിപക്ഷം കേന്ദ്ര സർക്കാരിനെതിരെ രൂക്ഷമായ വിമർശനം ഉന്നയിച്ചിരുന്നു. ഇന്ന് നടക്കാനിരുന്ന ഏറ്റവും പ്രധാനപ്പെട്ട ‘സിഇഒ റൗണ്ട് ടേബിൾ’ സെഷനിലാണ് ബിൽ ഗേറ്റ്സ് പങ്കെടുക്കേണ്ടിയിരുന്നത്.
