ഇന്ത്യയിലെ പ്രമുഖ ടെലികോം സേവന ദാതാക്കളായ ഭാരതി എയർടെല്ലും ആഗോള സാങ്കേതിക വിദ്യ ഭീമന്മാരായ ഗൂഗിളും ചേർന്ന് സ്പാം മെസ്സേജുകൾക്കും ഡിജിറ്റൽ തട്ടിപ്പുകൾക്കും എതിരെ പുതിയ പോരാട്ടം ആരംഭിക്കുന്നു (Airtel Google RCS Partnership). എയർടെല്ലിന്റെ നെറ്റ്വർക്ക് ഇന്റലിജൻസും ഗൂഗിളിന്റെ റിച്ച് കമ്മ്യൂണിക്കേഷൻ സർവീസസ് (RCS) പ്ലാറ്റ്ഫോമും സംയോജിപ്പിച്ചാണ് ഈ സുരക്ഷിത മെസ്സേജിംഗ് അനുഭവം ഉപഭോക്താക്കളിലേക്ക് എത്തിക്കുന്നത്.
പുതിയ സേവനത്തിന്റെ പ്രത്യേകതകൾ:
എഐ (AI) ഉപയോഗിച്ച് സ്പാം മെസ്സേജുകൾ തത്സമയം തിരിച്ചറിയാനും ബ്ലോക്ക് ചെയ്യാനും സാധിക്കും. വാട്സാപ്പിന് സമാനമായി ഉയർന്ന നിലവാരമുള്ള ഫോട്ടോകളും വീഡിയോകളും അയക്കാം. മെസ്സേജുകൾക്ക് റിയാക്ഷനുകൾ നൽകാനും ഗ്രൂപ്പ് ചാറ്റുകൾക്കും സൗകര്യമുണ്ടാകും.
ഒടിടി പ്ലാറ്റ്ഫോമുകൾ വഴി നടക്കുന്ന സാമ്പത്തിക തട്ടിപ്പുകളും വ്യാജ സന്ദേശങ്ങളും തടയാൻ ടെലികോം ഗ്രേഡ് സുരക്ഷാ മാനദണ്ഡങ്ങൾ ഈ പ്ലാറ്റ്ഫോമിൽ നടപ്പിലാക്കും. കമ്പനികളിൽ നിന്ന് വരുന്ന സന്ദേശങ്ങൾ ഒറിജിനൽ ആണോ എന്ന് തിരിച്ചറിയാൻ പ്രത്യേക വെരിഫിക്കേഷൻ സംവിധാനമുണ്ടാകും.
ഡിഎൻഡി (DND) സംരക്ഷണം: ഉപഭോക്താക്കളുടെ ഡിഎൻഡി താല്പര്യങ്ങൾ മാനിച്ച് പ്രൊമോഷണൽ മെസ്സേജുകളെ നിയന്ത്രിക്കും.
കഴിഞ്ഞ ഒന്നര വർഷത്തിനിടെ എയർടെൽ തങ്ങളുടെ നെറ്റ്വർക്കിൽ വലിയ മാറ്റങ്ങൾ കൊണ്ടുവന്നിട്ടുണ്ട്:
71 ബില്യൺ സ്പാം കോളുകൾ ബ്ലോക്ക് ചെയ്യുകയും , 2.9 ബില്യൺ സ്പാം എസ്എംഎസുകൾ തടയുകയും ചെയ്തു. നെറ്റ്വർക്ക് വഴിയുള്ള സാമ്പത്തിക നഷ്ടങ്ങളിൽ 68.7% കുറവും രേഖപ്പെടുത്തി.
