ന്യൂഡൽഹി: കാട്ടിലെ കരുത്തനായ കടുവയെ വിറപ്പിച്ച് പത്തിവിടർത്തി നിൽക്കുന്ന മൂർഖൻ പാമ്പിന്റെ ദൃശ്യങ്ങൾ കൗതുകത്തോടൊപ്പം ഭീതിയും ജനിപ്പിക്കുന്നു (Tiger and Cobra Fight Video). കാട്ടുപാതയിലൂടെ നടന്നുനീങ്ങുന്ന കടുവയ്ക്ക് മുന്നിലേക്ക് അപ്രതീക്ഷിതമായാണ് മൂർഖൻ എത്തുന്നത്.
കടുവ ആക്രമിക്കാൻ ഒരുങ്ങിയെങ്കിലും ഒട്ടും ഭയമില്ലാതെ മൂർഖൻ പാമ്പ് പത്തിവിടർത്തി നേരിടുകയായിരുന്നു. ഇതോടെ അപകടം മണത്ത കടുവ തന്റെ ആക്രമണശ്രമം ഉപേക്ഷിച്ച് പതുക്കെ പിന്തിരിഞ്ഞു. കടുവ വഴിമാറി നടന്നെങ്കിലും മൂർഖൻ വിടാൻ തയ്യാറായില്ല. കടുവയുടെ നേർക്ക് കൊത്താനായി ആഞ്ഞുചെല്ലുന്ന പാമ്പിനെ വീഡിയോയിൽ കാണാം. എന്നാൽ അനാവശ്യമായ ഏറ്റുമുട്ടലിന് മുതിരാതെ കടുവ ശാന്തനായി തന്റെ വഴിയിലൂടെ നടന്നുനീങ്ങി.
സുശാന്ത നന്ദ പങ്കുവെച്ച ഈ വീഡിയോ വന്യജീവികളുടെ സ്വഭാവത്തെക്കുറിച്ചുള്ള പുതിയ അറിവുകൾ നൽകുന്നു. കരുത്തേറിയ മൃഗങ്ങൾ പോലും വിഷപ്പാമ്പുകളെ എത്രത്തോളം ഭയപ്പെടുന്നു എന്നതിന് തെളിവാണ് ഈ ദൃശ്യം.
Tiger locks eyes with the cobra and chooses respect over dominance….👌
Coexistence is the law of the wild💕 pic.twitter.com/hXjIUTAHVK— Susanta Nanda IFS (Retd) (@susantananda3) February 13, 2026
പ്രകൃതിയിൽ വലിപ്പത്തേക്കാൾ ഉപരി അതിജീവനത്തിനുള്ള തന്ത്രങ്ങൾക്കാണ് പ്രാധാന്യമെന്ന് ഈ വീഡിയോ നമ്മെ ഓർമ്മിപ്പിക്കുന്നു.
Story Summary: A viral video shared by former IFS officer Susanta Nanda shows a rare face-off between a tiger and a cobra. In the clip, the tiger attempts to attack the snake, but the cobra flares its hood and lunges forward, forcing the big cat to retreat and walk away. The video highlights how even apex predators avoid dangerous encounters with venomous snakes.
