തൃശൂർ: തൃശൂർ മെഡിക്കൽ കോളേജിലെ മാനസികാരോഗ്യ വിഭാഗം ഡോക്ടറെ റെയിൽവേ പാളത്തിൽ മരിച്ച നിലയിൽ കണ്ടെത്തി (Thrissur Medical College Doctor Dead). മലപ്പുറം തിരൂരങ്ങാടി സ്വദേശിയായ ഡോ. മുഹമ്മദ് റയാൻ (25) ആണ് മരിച്ചത്. വ്യാഴാഴ്ച ഉച്ചയോടെയാണ് മൃതദേഹം കണ്ടെത്തിയത്.
മരിച്ച ദിവസം രാവിലെ പത്ത് മണി വരെ മെഡിക്കൽ കോളേജിലെ ഒപിയിൽ (OP) ഡോ. റയാൻ ഡ്യൂട്ടിയിലുണ്ടായിരുന്നു. അതിനുശേഷമാണ് കാണാതാകുന്നത്.ഉച്ചയോടെ റെയിൽവേ പാളത്തിൽ ട്രെയിൻ തട്ടി മരിച്ച നിലയിൽ നാട്ടുകാരാണ് മൃതദേഹം ആദ്യം കണ്ടത്. വിവരം അറിയിച്ചതിനെത്തുടർന്ന് മെഡിക്കൽ കോളേജ് പോലീസ് സ്ഥലത്തെത്തി.
ഇത് ഒരു ആത്മഹത്യയാണെന്നാണ് പോലീസിന്റെ പ്രാഥമിക നിഗമനം. മൃതദേഹം ഇൻക്വസ്റ്റ് നടപടികൾക്ക് ശേഷം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. യുവ ഡോക്ടറുടെ അപ്രതീക്ഷിത വിയോഗത്തിന്റെ ഞെട്ടലിലാണ് സഹപ്രവർത്തകരും സുഹൃത്തുക്കളും. സംഭവത്തിൽ അസ്വാഭാവിക മരണത്തിന് കേസെടുത്ത പോലീസ്, ഡോക്ടറുടെ സുഹൃത്തുക്കളിൽ നിന്നും സഹപ്രവർത്തകരിൽ നിന്നും മൊഴിയെടുത്ത് വിശദമായ അന്വേഷണം ആരംഭിച്ചിട്ടുണ്ട്.
Story Summary: A 25-year-old doctor from Thrissur Medical College, identified as Dr. Muhammed Ryan, was found dead on a railway track. A native of Tirurangadi, Malappuram, Dr. Ryan was working in the Psychiatry department and had attended duty till 10 AM on the day of his death. Preliminary reports suggest suicide, and police have launched an investigation.
