തിരുവനന്തപുരം: തിരുവനന്തപുരം മെഡിക്കൽ കോളജിലെ മുൻ സൂപ്രണ്ട് ഡോ. സുനിൽ കുമാറിനെതിരെ പീഡനത്തിന് കേസെടുത്തു (Dr Sunil Kumar Medical College Supt case). 2023-ൽ തന്നെ ഹോട്ടലിൽ കൊണ്ടുപോയി പീഡിപ്പിച്ചു എന്ന തിരുവനന്തപുരം സ്വദേശിനിയുടെ പരാതിയിലാണ് മെഡിക്കൽ കോളജ് പോലീസ് നടപടി സ്വീകരിച്ചത്. വിദേശത്ത് ജോലി ചെയ്യുന്ന പരാതിക്കാരിയെ തിരുവനന്തപുരം മെഡിക്കൽ കോളജിലും കോവളത്തുമുള്ള ഹോട്ടലിലും കൊണ്ടുപോയി പീഡിപ്പിച്ചു എന്നാണ് ആരോപണം.
പരാതി ലഭിച്ചതിനെ തുടർന്ന് പോലീസ് എഫ്.ഐ.ആർ രജിസ്റ്റർ ചെയ്തു. നിലവിൽ അവധിയിലുള്ള ഡോ. സുനിൽ കുമാറിനെ പോലീസ് ചോദ്യം ചെയ്തുവരികയാണ്. മെഡിക്കൽ കോളജ് പോലെ ഉത്തരവാദിത്തപ്പെട്ട ഒരു സ്ഥാപനത്തിന്റെ തലപ്പത്തിരുന്ന വ്യക്തിക്കെതിരെ ഉയർന്നിട്ടുള്ള ഈ ഗുരുതര ആരോപണം ആരോഗ്യവകുപ്പിലും വലിയ ചർച്ചകൾക്ക് വഴിവെച്ചിട്ടുണ്ട്. കൂടുതൽ അന്വേഷണങ്ങൾക്കും മൊഴി രേഖപ്പെടുത്തലുകൾക്കും ശേഷം തുടർന്നുള്ള നടപടികളിലേക്ക് പോലീസ് കടക്കും.
Story Summary: The Medical College Police in Thiruvananthapuram have registered a case against former Superintendent Dr. Sunil Kumar following a rape complaint filed by a woman. The victim alleged that she was assaulted at the Medical College and a hotel in Kovalam in 2023. Police are currently interrogating Dr. Sunil Kumar.
