മംഗലപുരം: കണിയാപുരം കെഎസ്ആർടിസി ബസ് സ്റ്റാൻഡിലെ സ്ത്രീകളുടെ ശുചിമുറിയിൽ അതിക്രമിച്ചു കയറാൻ ശ്രമിച്ചത് തടഞ്ഞ സെക്യൂരിറ്റി ജീവനക്കാരന് മർദനമേറ്റു (Security guard assaulted Kaniapuram). ഡ്യൂട്ടിയിലുണ്ടായിരുന്ന പെരുങ്ങുഴി സ്വദേശി ബൈജു കുമാറിനാണ് പരിക്കേറ്റത്. ബുധനാഴ്ച പകൽ ഒരു മണിയോടെയായിരുന്നു സംഭവം.
ബസ് സ്റ്റാൻഡിലെ സ്ത്രീകളുടെ ശുചിമുറിയിലേക്ക് ഒരാൾ അതിക്രമിച്ചു കയറാൻ ശ്രമിക്കുന്നത് ശ്രദ്ധയിൽപ്പെട്ട ബൈജു കുമാർ ഇയാളെ തടയുകയായിരുന്നു. ഇതിനെത്തുടർന്നുണ്ടായ തർക്കം കയ്യാങ്കളിയിലേക്ക് നീങ്ങി. സെക്യൂരിറ്റി ജീവനക്കാരനെ പ്രതി ക്രൂരമായി മർദിക്കുകയും ദേഹോപദ്രവമേൽപ്പിക്കുകയും ചെയ്തു.
പരിക്കേറ്റ ബൈജു കുമാർ മംഗലപുരം പൊലീസിൽ പരാതി നൽകി. സംഭവത്തിൽ കേസെടുത്ത പൊലീസ്, പ്രതിക്കായി അന്വേഷണം ആരംഭിച്ചിട്ടുണ്ട്. പട്ടാപ്പകൽ തിരക്കേറിയ ബസ് സ്റ്റാൻഡിനുള്ളിൽ നടന്ന ഈ അതിക്രമം യാത്രക്കാർക്കിടയിൽ വലിയ പരിഭ്രാന്തിയുണ്ടാക്കി.
Story Summary:
A security guard was assaulted at the Kaniapuram KSRTC bus station for preventing a man from entering the women’s restroom. Baiju Kumar, a native of Perunguzhi, sustained injuries in the incident which occurred on Wednesday afternoon. Following a complaint, the Mangalapuram police have registered a case and initiated an investigation to identify the culprit.
