ഭോപ്പാൽ/തിരുവനന്തപുരം: മൊണാലിസ ‘ലവ് ജിഹാദിന്റെ’ ഇരയാണെന്നും അവളെ എത്രയും വേഗം മധ്യപ്രദേശിലേക്ക് തിരികെ എത്തിക്കണമെന്നും ആവശ്യപ്പെട്ട് പിതാവ് ജയ്സിങ് ഭോൺസ്ലെ രംഗത്തെത്തി (Monalisa Kumbh Mela viral girl marriage). മധ്യപ്രദേശ് മുഖ്യമന്ത്രി മോഹൻ യാദവിന്റെ അടിയന്തര ഇടപെടൽ ആവശ്യപ്പെട്ട ജയ്സിങ്, തന്റെ മകളെ ചതിയിലൂടെ കെണിയിൽ വീഴ്ത്തിയതാണെന്ന് ആരോപിച്ചു. എന്നാൽ വ്യാഴാഴ്ച തിരുവനന്തപുരത്ത് നടത്തിയ പത്രസമ്മേളനത്തിൽ പിതാവിന്റെ ആരോപണങ്ങളെ മൊണാലിസ പൂർണ്ണമായും തള്ളി.
തന്റെ വിവാഹം സ്വന്തം ഇഷ്ടപ്രകാരമാണെന്നും താൻ പ്രായപൂർത്തിയായ വ്യക്തിയാണെന്നും (18 വയസ്സ്) അവർ വ്യക്തമാക്കി.
ഹിന്ദു ആചാരം: താൻ ഇസ്ലാം മതം സ്വീകരിച്ചിട്ടില്ലെന്നും ഹിന്ദു ആചാരപ്രകാരമാണ് വിവാഹം നടന്നതെന്നും മൊണാലിസ പറഞ്ഞു. നെറ്റിയിൽ സിന്ദൂരമണിഞ്ഞാണ് അവർ മാധ്യമങ്ങൾക്ക് മുന്നിലെത്തിയത്.
തങ്ങൾ പരസ്പരം സ്നേഹിക്കുന്ന കലാകാരന്മാരാണെന്നും മതത്തിന്റെ പേരിൽ വേർതിരിക്കപ്പെടാൻ ആഗ്രഹിക്കുന്നില്ലെന്നും ഫർമാൻ ഖാൻ പറഞ്ഞു. തങ്ങൾ ആരും മതം മാറിയിട്ടില്ലെന്നും അദ്ദേഹം വ്യക്തമാക്കി.2025-ലെ പ്രയാഗ്രാജ് മഹാകുംഭമേളയിൽ രുദ്രാക്ഷ മാലകൾ വിൽക്കുന്നതിനിടെ ഒരു ഉള്ളടക്ക നിർമ്മാതാവ് പകർത്തിയ വീഡിയോയിലൂടെയാണ് മൊണാലിസ ഇന്റർനെറ്റ് സെൻസേഷനായത്. പിന്നീട് സിനിമാ അഭിനയത്തിനായി കേരളത്തിലെത്തിയപ്പോഴാണ് ഫർമാൻ ഖാനുമായുള്ള ബന്ധം വിവാഹത്തിലെത്തിയത്.
മൊണാലിസയുടെ കുടുംബം തന്റെ പിതൃസഹോദരന്റെ മകനുമായി വിവാഹം നടത്താൻ നിർബന്ധിച്ചിരുന്നതായും, അതിൽ നിന്നുള്ള മോചനത്തിനാണ് കേരളത്തിൽ വന്ന് വിവാഹം കഴിച്ചതെന്നും അവർ വെളിപ്പെടുത്തി. കേരളത്തിലെ രാഷ്ട്രീയ നേതാക്കളും പോലീസും തങ്ങൾക്ക് വലിയ പിന്തുണയാണ് നൽകിയതെന്ന് നവദമ്പതികൾ കൂട്ടിച്ചേർത്തു.
Story Summary: Jaisingh Bhonsle, father of viral Kumbh Mela star Monalisa, has sought Madhya Pradesh CM Mohan Yadav’s intervention, alleging ‘love jihad’ after her marriage to actor Farman Khan in Kerala. However, Monalisa clarified in a press conference that she married by choice according to Hindu rituals and hasn’t converted. The wedding took place at a temple in Poovar, Thiruvananthapuram, with police protection.
