തിരുവനന്തപുരം: കേരള സർക്കാരിന്റെ കെഫോൺ (കേരള ഫൈബർ ഒപ്റ്റിക് നെറ്റ്വർക്ക് ലിമിറ്റഡ്) പദ്ധതിക്ക് രാജ്യാന്തര പുരസ്കാരം KFON Asian Telecom Awards 2026(). ഏഷ്യൻ ടെലികോം മാഗസിൻ സംഘടിപ്പിച്ച ‘ഏഷ്യൻ ടെലികോം അവാർഡ്സ് 2026’-ൽ ‘ബ്രോഡ്ബാൻഡ് ടെലികോം കമ്പനി ഓഫ് ദി ഇയർ’ പുരസ്കാരത്തിനാണ് കെഫോൺ അർഹമായത്. ഏഷ്യയിലെ ടെലികോം മേഖലയിലെ നൂതനമായ മാറ്റങ്ങളെയും സേവനങ്ങളെയും ആദരിക്കുന്നതിനായി നൽകുന്ന പ്രമുഖ പുരസ്കാരമാണിത്.
കേരളത്തിലുടനീളം 32,000 കിലോമീറ്റർ ഫൈബർ ഒപ്റ്റിക് ശൃംഖല പൂർത്തിയാക്കിയതും 375 പോയിന്റ് ഓഫ് പ്രസൻസ് (POP) സെന്ററുകൾ സജ്ജമാക്കിയതും ജൂറിയുടെ പ്രത്യേക ശ്രദ്ധ പിടിച്ചുപറ്റി.ഇന്റർനെറ്റ് ഒരു മൗലികാവകാശമായി പ്രഖ്യാപിച്ച കേരളത്തിൽ, ഡിജിറ്റൽ വിടവ് കുറയ്ക്കുന്നതിനായി കെഫോൺ നടത്തുന്ന ഇടപെടലുകളാണ് അവാർഡിന് വഴിയൊരുക്കിയത്.
ഇതിനോടകം 1.5 ലക്ഷത്തിലധികം കണക്ഷനുകൾ കെഫോൺ വഴി നൽകിക്കഴിഞ്ഞു. സർക്കാർ ഓഫീസുകൾക്കും വീടുകൾക്കും പുറമെ വാണിജ്യ കേന്ദ്രങ്ങളിലേക്കും അതിവേഗ ഇന്റർനെറ്റ് പദ്ധതി വഴി എത്തുന്നുണ്ട്.മിതമായ നിരക്കിൽ സാധാരണക്കാർക്ക് അതിവേഗ ഇന്റർനെറ്റ് എത്തിക്കാനുള്ള കേരളത്തിന്റെ ശ്രമങ്ങൾക്കുള്ള അംഗീകാരമാണിതെന്ന് കെഫോൺ മാനേജിങ് ഡയറക്ടർ ഡോ. സന്തോഷ് ബാബു ഐ.എ.എസ് (റിട്ട.) പറഞ്ഞു. സാങ്കേതികവിദ്യയിലൂടെ എല്ലാവരെയും ഉൾക്കൊള്ളുന്ന വികസനമാണ് ലക്ഷ്യമെന്നും അദ്ദേഹം കൂട്ടിച്ചേർത്തു.
കൊച്ചിയിലെ അത്യാധുനിക നെറ്റ്വർക്ക് ഓപ്പറേഷൻ സെന്റർ (NOC) വഴിയാണ് പദ്ധതിയുടെ പ്രവർത്തനം നിയന്ത്രിക്കുന്നത്. സാമൂഹിക സാമ്പത്തിക വളർച്ചയിൽ നിർണ്ണായക പങ്ക് വഹിക്കുന്ന കെഫോണിന് ലഭിച്ച ഈ പുരസ്കാരം കേരളത്തിന് ആഗോള തലത്തിൽ വലിയ ഖ്യാതിയാണ് നൽകുന്നത്.
Story Summary: Kerala’s KFON has won the ‘Broadband Telecom Company of the Year’ at the Asian Telecom Awards 2026. The award recognizes KFON’s infrastructure, including its 32,000 km fiber optic network and its mission to bridge the digital divide in Kerala. MD Dr. Santhosh Babu IAS (Retd.) stated this is a global recognition for Kerala’s efforts to make high-speed internet affordable for all.
