തിരുവനന്തപുരം: കേരളത്തിന്റെ അഭിമാന പദ്ധതിയായ കെഫോൺ (KFON) തലസ്ഥാന നഗരിയിൽ നിർണ്ണായക നേട്ടം കൈവരിച്ചു (KFON connection Thiruvananthapuram status). തിരുവനന്തപുരം ജില്ലയിലെ കെഫോൺ കണക്ഷനുകളുടെ എണ്ണം പതിനായിരം കടന്നതായി അധികൃതർ അറിയിച്ചു. മിതമായ നിരക്കിൽ അതിവേഗ ഇന്റർനെറ്റ് ലഭ്യമാക്കുന്നതിലൂടെ ചുരുങ്ങിയ കാലയളവിനുള്ളിലാണ് പദ്ധതി ഈ നേട്ടം സ്വന്തമാക്കിയത്.
ജില്ലയിൽ ഡിജിറ്റൽ വിപ്ലവത്തിന് അടിത്തറ പാകിക്കൊണ്ട് കെഫോൺ 6094 വീടുകളിൽ ഇതിനകം സേവനം ലഭ്യമാക്കി.ദാരിദ്ര്യരേഖയ്ക്ക് താഴെയുള്ള 867 കുടുംബങ്ങൾക്ക് സൗജന്യ/മിതമായ നിരക്കിൽ കണക്ഷൻ നൽകി. 2769 സർക്കാർ ഓഫീസുകളും സ്ഥാപനങ്ങളും കെഫോൺ ശൃംഖലയുടെ ഭാഗമായി.
വിദ്യാഭ്യാസം, ആരോഗ്യം, സർക്കാർ സേവനങ്ങൾ എന്നീ മേഖലകളിൽ വലിയ മാറ്റം കൊണ്ടുവരാൻ ഈ പദ്ധതിക്ക് സാധിച്ചിട്ടുണ്ട്. ഓപ്പറേറ്റർമാരുടെ മികച്ച സേവനവും ഉപഭോക്തൃ വിശ്വാസവുമാണ് തലസ്ഥാനത്ത് കെഫോണിന്റെ വളർച്ചയ്ക്ക് കരുത്തായത്. വരും മാസങ്ങളിൽ ജില്ലയിലെ കൂടുതൽ ഗ്രാമീണ മേഖലകളിലേക്ക് സേവനം വ്യാപിപ്പിക്കാനുള്ള ഒരുക്കത്തിലാണ് അധികൃതർ.
കണക്ഷൻ എങ്ങനെ എടുക്കാം?
പുതിയ കെഫോൺ കണക്ഷനായി താഴെ പറയുന്ന മാർഗ്ഗങ്ങൾ ഉപയോഗിക്കാം:
മൊബൈൽ ആപ്പ്: ‘എന്റെ കെഫോൺ’ (Ente KFON) ആപ്പ് വഴി രജിസ്റ്റർ ചെയ്യാം.
വെബ്സൈറ്റ്: https://kfon.in/ സന്ദർശിക്കുക.
ടോൾഫ്രീ നമ്പർ: 1800 570 4466
വാട്സ്ആപ്പ്: 90616 04466 എന്ന നമ്പരിലേക്ക് ‘KFON Plans’ എന്ന് മെസേജ് ചെയ്താൽ പ്ലാനുകളെക്കുറിച്ച് അറിയാൻ സാധിക്കും.
Story Summary:
KFON has achieved a significant milestone in Thiruvananthapuram, surpassing 10,000 connections in the district. This includes 6,094 domestic connections, 867 for BPL families, and 2,769 government institutions. The project is gaining popularity due to its affordable high-speed internet. Residents can apply via the ‘Ente KFON’ app, the official website, or the toll-free number 1800 570 4466.
