തിരുവനന്തപുരം: തിരുവനന്തപുരം റെയിൽവേ ഡിവിഷനിൽ ഈ മാസം നടക്കുന്ന അറ്റകുറ്റപ്പണികളെത്തുടർന്ന് ട്രെയിൻ സർവീസുകളിൽ ക്രമീകരണം ഏർപ്പെടുത്തിയതായി ദക്ഷിണ റെയിൽവേ അറിയിച്ചു (Kerala train cancellation news). പണികൾ നടക്കുന്നതിനാൽ ചില പ്രധാന ട്രെയിനുകൾ ഭാഗികമായി റദ്ദാക്കുകയും ചിലവ വഴിതിരിച്ചുവിടുകയും ചെയ്തിട്ടുണ്ട്.
ഭാഗികമായി റദ്ദാക്കിയ ട്രെയിനുകൾ:
ചെന്നൈ – തിരുവനന്തപുരം സൂപ്പർഫാസ്റ്റ് (12695): മാർച്ച് 13-ന് ചെന്നൈയിൽ നിന്ന് പുറപ്പെടേണ്ട ട്രെയിൻ കോട്ടയത്ത് യാത്ര അവസാനിപ്പിക്കും. കോട്ടയത്തിനും തിരുവനന്തപുരത്തിനും ഇടയിലുള്ള സർവീസ് ഉണ്ടായിരിക്കില്ല.
തിരുവനന്തപുരം – ചെന്നൈ സൂപ്പർഫാസ്റ്റ് (12696): മാർച്ച് 14-ന് തിരുവനന്തപുരത്ത് നിന്ന് പുറപ്പെടേണ്ട ട്രെയിൻ കോട്ടയത്ത് നിന്നായിരിക്കും യാത്ര ആരംഭിക്കുക (രാത്രി 08.05-ന്). തിരുവനന്തപുരം-കോട്ടയം സർവീസ് റദ്ദാക്കി.
ചെന്നൈ എഗ്മൂർ – ഗുരുവായൂർ എക്സ്പ്രസ് (16127): മാർച്ച് 12-ന് പുറപ്പെടേണ്ട ട്രെയിൻ നാഗർകോവിൽ ടൗണിൽ യാത്ര അവസാനിപ്പിക്കും. നാഗർകോവിൽ – ഗുരുവായൂർ സർവീസ് ഉണ്ടായിരിക്കില്ല.
ഗുരുവായൂർ – ചെന്നൈ എഗ്മൂർ എക്സ്പ്രസ് (16128): മാർച്ച് 13-ന് ഗുരുവായൂരിൽ നിന്ന് പുറപ്പെടേണ്ട ട്രെയിൻ നാഗർകോവിൽ ടൗണിൽ നിന്നായിരിക്കും യാത്ര തുടങ്ങുക (രാവിലെ 06.33-ന്). ഗുരുവായൂർ – നാഗർകോവിൽ സർവീസ് റദ്ദാക്കി.
വഴിതിരിച്ചുവിടുന്ന ട്രെയിനുകൾ:
തിരുവനന്തപുരം – ചെന്നൈ മെയിൽ (12624): മാർച്ച് 14-ന് പുറപ്പെടേണ്ട ഈ ട്രെയിൻ ആലപ്പുഴ വഴി തിരിച്ചുവിടും. മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, തൃപ്പൂണിത്തുറ സ്റ്റോപ്പുകൾ ഒഴിവാക്കി. പകരം ആലപ്പുഴ, ചേർത്തല, എറണാകുളം ജംക്ഷൻ എന്നിവിടങ്ങളിൽ സ്റ്റോപ്പ് ഉണ്ടാകും.
കന്യാകുമാരി – ദിബ്രുഗഡ് വിവേക് എക്സ്പ്രസ് (22503): മാർച്ച് 14-ന് പുറപ്പെടേണ്ട ട്രെയിൻ ആലപ്പുഴ വഴി തിരിച്ചുവിടും. ചെങ്ങന്നൂർ, കോട്ടയം സ്റ്റോപ്പുകൾ ഉണ്ടാകില്ല. പകരം കായംകുളം, ആലപ്പുഴ, എറണാകുളം ജംക്ഷൻ എന്നിവിടങ്ങളിൽ സ്റ്റോപ്പ് അനുവദിച്ചിട്ടുണ്ട്.
യാത്രക്കാർ ഈ മാറ്റങ്ങൾ ശ്രദ്ധിക്കണമെന്നും റെയിൽവേയുടെ ഔദ്യോഗിക ആപ്പിലോ വെബ്സൈറ്റിലോ പുതുക്കിയ സമയക്രമം പരിശോധിക്കണമെന്നും അധികൃതർ അറിയിച്ചു.
Story Summary:
Southern Railway has announced changes in train services under the Thiruvananthapuram division due to maintenance work. Several trains, including Chennai-Thiruvananthapuram Superfast and Guruvayur-Chennai Egmore Express, are partially cancelled or diverted via Alappuzha on March 12, 13, and 14, 2026.
