തിരുവനന്തപുരം: പാചകവാതക പ്രതിസന്ധി (LPG crisis Kerala 2026) രൂക്ഷമായതോടെ സംസ്ഥാനത്തെ നിരവധി ഹോട്ടലുകൾ പ്രവർത്തനം നിർത്തിവെച്ചതായി കേരള ഹോട്ടൽ ആൻഡ് റസ്റ്ററന്റ്സ് അസോസിയേഷൻ (KHRA) അറിയിച്ചു. പശ്ചിമേഷ്യയിലെ യുദ്ധസാഹചര്യമാണ് വിതരണ ശൃംഖലയെ ബാധിച്ചത്. തുറന്നു പ്രവർത്തിക്കുന്ന ഹോട്ടലുകൾ പലതും പാചകവാതകം കുറഞ്ഞ അളവിൽ മാത്രം ആവശ്യമുള്ള വിഭവങ്ങളിലേക്ക് മെനു പരിമിതപ്പെടുത്തിയിരിക്കുകയാണ്.
അതേസമയം , സിലിണ്ടറുകൾ കിട്ടാതായതോടെ ഗാർഹിക ഉപഭോക്താക്കൾ ഇൻഡക്ഷൻ കുക്കർ, മൈക്രോവേവ് ഓവൻ, എയർ ഫ്രയർ തുടങ്ങിയ വൈദ്യുത ഉപകരണങ്ങളെ വ്യാപകമായി ആശ്രയിച്ചു തുടങ്ങി. വിപണിയിൽ ഇത്തരം ഉപകരണങ്ങൾക്ക് ആവശ്യക്കാർ കുതിച്ചുയരുകയാണ്.
ഇതിനിടെ , പാചകം പൂർണ്ണമായും വൈദ്യുതിയിലേക്ക് മാറിയതോടെ സംസ്ഥാനത്തെ പ്രതിദിന വൈദ്യുതി ഉപയോഗം 100 ദശലക്ഷം യൂണിറ്റ് കടന്നു. വേനൽചൂട് കടുത്ത സാഹചര്യത്തിൽ എയർ കണ്ടീഷണറുകളുടെ ഉപയോഗത്തിനൊപ്പം പാചകത്തിനുള്ള വൈദ്യുതി കൂടി ചേർന്നതാണ് ഈ വലിയ വർദ്ധനവിന് കാരണം.
ഗ്യാസ് ഏജൻസികൾക്ക് മുന്നിൽ സിലിണ്ടറുകൾക്കായി വലിയ ക്യൂവാണ് അനുഭവപ്പെടുന്നത്. ഗാർഹിക ആവശ്യത്തിനുള്ള ഉൽപ്പാദനം വർദ്ധിപ്പിച്ചതായി സർക്കാർ അറിയിക്കുന്നുണ്ടെങ്കിലും വിതരണം സാധാരണ നിലയിലാകാൻ ഇനിയും സമയമെടുക്കും. മുൻ വർഷങ്ങളിൽ വേനൽക്കാലത്ത് ലഭിച്ചിരുന്ന വേനൽമഴ ഇത്തവണ കുറഞ്ഞതും ചൂട് വർദ്ധിക്കാൻ കാരണമായിട്ടുണ്ട്. വരും ദിവസങ്ങളിൽ വൈദ്യുതി നിയന്ത്രണം ഏർപ്പെടുത്തേണ്ടി വരുമോ എന്ന ആശങ്കയിലാണ് അധികൃതർ.
Story Summary: Kerala is facing a severe LPG crisis due to the ongoing West Asia conflict, leading to the closure of many hotels. Residents are shifting to induction cookers and other electric appliances, causing the state’s daily electricity consumption to cross a record 100 million units. The demand for induction stoves has surged as people struggle to get LPG cylinders from agencies.
