പാലക്കാട്: കേരള സർക്കാരിന്റെ പുതിയ മദ്യ ബ്രാൻഡായ ‘മിന്നൽ മാജിക്’ (Minnal Magic) ഉത്പാദനം ആരംഭിച്ചു (Minnal Magic Brandy). പാലക്കാട് ചിറ്റൂർ മേനോൻപാറയിലെ മലബാർ ഡിസ്റ്റിലറീസിലാണ് മദ്യം പുറത്തിറക്കുന്നത്. ‘മലബാർ മിസ്റ്ററി’ എന്ന പേരായിരുന്നു ആദ്യം തീരുമാനിച്ചിരുന്നതെങ്കിലും പിന്നീട് ആകർഷകമായ ‘മിന്നൽ മാജിക്’ എന്ന പേര് സ്വീകരിക്കുകയായിരുന്നു.
അര ലിറ്റർ കുപ്പിക്ക് 400 രൂപയാണ് വില നിശ്ചയിച്ചിരിക്കുന്നത്. ഒരു മാസത്തിനുള്ളിൽ ബെവ്കോ (Bevco) ഔട്ട്ലെറ്റുകൾ വഴി മദ്യം ഉപഭോക്താക്കൾക്ക് ലഭ്യമാകും. മിനിറ്റിൽ 240 കുപ്പികൾ നിറയ്ക്കാൻ ശേഷിയുള്ള പ്ലാന്റാണിത്. പ്രതിദിനം 13,500 കേയ്സ് മദ്യം ഇവിടെ ഉത്പാദിപ്പിക്കാൻ സാധിക്കും. തറക്കല്ലിട്ട് വെറും നാലര മാസം കൊണ്ടാണ് പ്ലാന്റിന്റെ നിർമ്മാണം പൂർത്തിയാക്കിയതെന്ന് എക്സൈസ് മന്ത്രി എം.ബി. രാജേഷ് അറിയിച്ചു.
മദ്യ ഉത്പാദനത്തിന് ആവശ്യമായ ജലം നിലവിൽ മലമ്പുഴയിൽ നിന്നാണ് എത്തിക്കുന്നത്. പ്രതിദിനം ഒരു ലക്ഷം ലിറ്റർ വെള്ളമാണ് പ്ലാന്റിന് ആവശ്യം. വരും ഘട്ടങ്ങളിൽ മഴവെള്ള സംഭരണികൾ നിർമ്മിക്കാനും മദ്യത്തിന് പുറമെ സ്പിരിറ്റ് ഉത്പാദനം ആരംഭിക്കാനും സർക്കാരിന് പദ്ധതിയുണ്ട്.
കെഎസ്ബിസി (KSBC) നേരിട്ട് മദ്യം ഉത്പാദിപ്പിക്കുന്നതോടെ വിപണിയിൽ ബ്രാൻഡിക്ക് ഉണ്ടാകുന്ന ക്ഷാമം പരിഹരിക്കപ്പെടുമെന്നാണ് കരുതുന്നത്.
Story Summary:
‘Minnal Magic’, the Kerala government’s new brandy brand, has started production at Malabar Distilleries in Palakkad. Priced at ₹400 per 500ml, it will be available in Bevco outlets within a month.
