തിരുവനന്തപുരം: കാലടി ശ്രീ ശങ്കരാചാര്യ സംസ്കൃത സർവകലാശാല വൈസ് ചാൻസലർ ഡോ. കെ.കെ. ഗീതാകുമാരിയെ സ്ഥാനത്തുനിന്ന് നീക്കി (Kalady Sanskrit University VC removed). ബി.എഫ്.എ. (BFA) തോറ്റ വിദ്യാർത്ഥിക്ക് ചട്ടവിരുദ്ധമായി എം.എഫ്.എ. പ്രവേശനം നൽകിയതുമായി ബന്ധപ്പെട്ട തർക്കങ്ങളെത്തുടർന്നാണ് ഗവർണറുടെ കർശന നടപടി. സാങ്കേതിക സർവകലാശാല മുൻ വി.സി. ഡോ. സിസ തോമസിന് കാലടി സർവകലാശാലയുടെ അധിക ചുമതല നൽകി ഗവർണർ ഉത്തരവിറക്കി.
തോറ്റ വിദ്യാർത്ഥിയെ പാസാക്കാനുള്ള സിൻഡിക്കേറ്റ് തീരുമാനം തടയണമെന്ന് ഗവർണർ നിർദ്ദേശിച്ചിരുന്നു. എന്നാൽ ഈ ഉത്തരവ് നടപ്പിലാക്കാൻ വി.സി. തയ്യാറായില്ല. ചട്ടവിരുദ്ധമായി മാർക്ക് നൽകി വിജയിപ്പിച്ചത് സംബന്ധിച്ച ഫയലുകൾ ഹാജരാക്കാനും വിശദീകരണം നൽകാനും രാജ്ഭവൻ ആവശ്യപ്പെട്ടെങ്കിലും വി.സി. അത് നിരസിച്ചു.
ചാൻസലർ കൂടിയായ ഗവർണറുടെ നിർദ്ദേശങ്ങൾ തുടർച്ചയായി അവഗണിച്ചതാണ് വി.സി.യെ നീക്കുന്നതിലേക്ക് നയിച്ചത്. കാലിക്കറ്റ് സർവകലാശാല സംസ്കൃത വിഭാഗം അധ്യക്ഷയായിരുന്ന പ്രൊഫ. കെ.കെ. ഗീതാകുമാരിയെ മുൻ ഗവർണർ ആരിഫ് മുഹമ്മദ് ഖാനാണ് കാലടിയിൽ താൽക്കാലിക വി.സി.യായി നിയമിച്ചിരുന്നത്. പരീക്ഷാ ക്രമക്കേടുമായി ബന്ധപ്പെട്ട ഫയലുകൾ ഹാജരാക്കാത്തതിൽ പരീക്ഷാ കൺട്രോളറോടും രാജ്ഭവൻ വിശദീകരണം തേടിയിട്ടുണ്ട്.
Story Summary:
The Governor of Kerala has removed Dr. K.K. Geethakumari from the post of Vice-Chancellor of Kalady Sanskrit University. The action follows her refusal to implement the Governor’s order regarding a controversial MFA admission given to a student who failed the BFA exam. Dr. Ciza Thomas has been given the additional charge of the university. The Raj Bhavan had earlier sought files regarding the illegal passing of the student, which the VC reportedly declined to provide.
