കോഴിക്കോട്: ഓമശ്ശേരി പഞ്ചായത്തിലെ തെച്ച്യാട് പ്രവർത്തിച്ചിരുന്ന അനധികൃത ഗ്യാസ് ഫില്ലിങ് കേന്ദ്രത്തിൽ ജില്ലാ സപ്ലൈ ഓഫീസറുടെ നേതൃത്വത്തിൽ നടത്തിയ പരിശോധനയിൽ 91 ഗ്യാസ് സിലിണ്ടറുകൾ പിടിച്ചെടുത്തു (Illegal Gas Filling Omassery). ഗാർഹിക സിലിണ്ടറുകളിൽ നിന്ന് വാണിജ്യ സിലിണ്ടറുകളിലേക്ക് ഗ്യാസ് മാറ്റി നിറയ്ക്കുന്ന കേന്ദ്രമാണ് ഉദ്യോഗസ്ഥർ തകർത്തത്.
29 ഗാർഹിക സിലിണ്ടറുകൾ, 31 വാണിജ്യ സിലിണ്ടറുകൾ, 2 ചെറിയ സിലിണ്ടറുകൾ എന്നിവ ഉൾപ്പെടെ 62 എണ്ണം ഫില്ലിങ് കേന്ദ്രത്തിൽ നിന്നും, 29 സിലിണ്ടറുകൾ തൊട്ടടുത്ത വീട്ടിൽ നിന്നും കണ്ടെടുത്തു. കൂടാതെ, ഗ്യാസ് മാറ്റി നിറയ്ക്കാൻ ഉപയോഗിച്ചിരുന്ന 5 മോട്ടോറുകളും പിടിച്ചെടുത്തിട്ടുണ്ട്.
പിടിച്ചെടുത്ത സിലിണ്ടറുകൾ സുരക്ഷിതമായി സൂക്ഷിക്കുന്നതിനായി തിരുവമ്പാടിയിലെ ഇൻഡേൻ ഗ്യാസ് ഏജൻസിക്ക് കൈമാറി.
പരിശോധനാ സംഘം: ജില്ലാ സപ്ലൈ ഓഫീസർ ആർ. ബോബർ, താമരശ്ശേരി താലൂക്ക് സപ്ലൈ ഓഫീസർ സന്തോഷ് ചോലയിൽ, റേഷനിങ് ഇൻസ്പെക്ടർമാർ എന്നിവരുടെ നേതൃത്വത്തിലായിരുന്നു പരിശോധന.
ഇത്തരത്തിൽ നിയമവിരുദ്ധമായി ഗ്യാസ് മാറ്റി നിറയ്ക്കുന്നത് വലിയ സുരക്ഷാ ഭീഷണിയാണ് ഉയർത്തുന്നതെന്ന് അധികൃതർ വ്യക്തമാക്കി. വരും ദിവസങ്ങളിലും താലൂക്കിന്റെ വിവിധ ഭാഗങ്ങളിൽ പരിശോധന കർശനമാക്കും.
News Summary: District Supply officials busted an illegal gas filling center at Thechyad in Omassery panchayat, seizing 91 gas cylinders. The raid, led by District Supply Officer R. Bobar, uncovered 62 cylinders at the center and another 29 hidden in a nearby house. Officials also seized five motors used to transfer gas from domestic to commercial cylinders. The confiscated materials were handed over to an Indane gas agency in Thiruvambady for safe custody.
