കൊച്ചി: സംസ്ഥാനത്ത് സ്വർണ്ണവിലയിൽ വൻ ഇടിവ്. ഇന്ന് ഉച്ചയ്ക്ക് രണ്ടാം തവണയും വില കുറഞ്ഞതോടെ സ്വർണ്ണ വിപണിയിൽ വലിയ മാറ്റമാണുണ്ടായിരിക്കുന്നത് (Gold price Kerala). ഉച്ചയ്ക്ക് ഗ്രാമിന് 400 രൂപയും പവന് 3,200 രൂപയുമാണ് കുറഞ്ഞത്. ഇതോടെ ഒരു പവൻ സ്വർണ്ണത്തിന്റെ വില 1,07,920 രൂപയായി താഴ്ന്നു.
| സമയം | ഗ്രാമിന് (₹) | പവന് (₹) | മാറ്റം (പവന്) |
| രാവിലെ | 13,890 | 1,11,120 | ₹ 6,640 കുറഞ്ഞു |
| ഉച്ചയ്ക്ക് | 13,490 | 1,07,920 | ₹ 3,200 കുറഞ്ഞു |
| ആകെ മാറ്റം | – ₹ 1,230 | – ₹ 9,840 | ആകെ ഇടിവ് |
ആഗോള വിപണിയിലുണ്ടായ പെട്ടെന്നുള്ള മാറ്റങ്ങളാണ് ആഭ്യന്തര വിപണിയിലും പ്രതിഫലിച്ചത്. അന്താരാഷ്ട്ര തലത്തിൽ സ്വർണ്ണവില താഴുന്നതും നിക്ഷേപകർ കൂട്ടത്തോടെ സ്വർണ്ണം വിറ്റഴിക്കുന്നതുമാണ് വില കുത്തനെ താഴാൻ കാരണമായത്. വരും ദിവസങ്ങളിലും വിപണിയിൽ അസ്ഥിരത തുടരാൻ സാധ്യതയുണ്ടെന്ന് വിദഗ്ധർ വിലയിരുത്തുന്നു.
