Follow on Google News
ദേശമംഗലം: തനിച്ച് താമസിക്കുന്ന വയോധികയെ വീടിനുള്ളിൽ മരിച്ച നിലയിൽ കണ്ടെത്തി. കടുകശ്ശേരി തച്ചു കുന്ന് പ്രദേശത്ത് താമസിക്കുന്ന തച്ചോത്ത് വീട്ടിൽ സഫിയ (72) ആണ് മരിച്ചത് (Desamangalam Elderly Woman Death Safiya). ഞായറാഴ്ച രാത്രി അയൽവാസികൾ അന്വേഷിച്ചെത്തിയപ്പോഴാണ് സഫിയയെ വീടിനുള്ളിൽ മരിച്ച നിലയിൽ കണ്ടത്. മൂക്കിൽ നിന്നും രക്തം വന്ന നിലയിലായിരുന്നു മൃതദേഹം.
മൃതദേഹം കണ്ടെത്തുമ്പോൾ സഫിയ ധരിച്ചിരുന്ന പത്തു പവനോളം വരുന്ന സ്വർണാഭരണങ്ങൾ കാണാനില്ലായിരുന്നു. ഇതേത്തുടർന്ന് മരണം കൊലപാതകമാണെന്ന സംശയം ബലപ്പെട്ടു. കുന്നംകുളം എ.സി.പി മുരളീധരൻ, ചെറുതുരുത്തി സി.ഐ രാജേന്ദ്രൻ നായർ എന്നിവരുടെ നേതൃത്വത്തിൽ പോലീസ് സ്ഥലത്തെത്തി മേൽനടപടികൾ സ്വീകരിച്ചു. വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി പരിശോധന നടത്തി.
മുളങ്കുന്നത്തുകാവ് മെഡിക്കൽ കോളേജിൽ നടത്തിയ പോസ്റ്റ്മോർട്ടത്തിൽ കൊലപാതകമെന്ന് സംശയിക്കാവുന്ന ലക്ഷണങ്ങളൊന്നും കണ്ടെത്താനായിട്ടില്ല. ഹൃദയസ്തംഭനമാണ് മരണകാരണമെന്നാണ് പ്രാഥമിക റിപ്പോർട്ട്. എന്നാൽ കാണാതായ സ്വർണാഭരണങ്ങളെക്കുറിച്ച് പോലീസ് ഗൗരവകരമായ അന്വേഷണം ആരംഭിച്ചിട്ടുണ്ട്. മരണം സംഭവിച്ചതിന് ശേഷം ആരെങ്കിലും സ്വർണം കവർന്നതാണോ എന്നതടക്കമുള്ള കാര്യങ്ങൾ പോലീസ് പരിശോധിക്കുന്നുണ്ട്.
പരേതനായ മുഹമ്മദിന്റെ (തങ്കൻ) ഭാര്യയാണ് സഫിയ. മകൾ: റംലത്ത്. മരുമകൻ: അലി. പോസ്റ്റ്മോർട്ടത്തിന് ശേഷം മൃതദേഹം ഇരിങ്ങോട്ടൂർ ജുമാമസ്ജിദ് ഖബർസ്ഥാനിൽ ഖബറടക്കി.
Story Summary:
A 72-year-old woman named Safiya was found dead in her house at Desamangalam, Kadukassery. Although the initial discovery of her body with missing gold jewelry (around 10 sovereigns) raised suspicions of murder, the preliminary post-mortem report from Mulankunnathukavu Medical College cited heart failure as the cause of death. Cheruthuruthy police have launched an investigation into the missing gold. Safiya is survived by her daughter Ramlath.
