പാലക്കാട്: ജോലി വാഗ്ദാനം നൽകി പീഡിപ്പിക്കുകയും ഗർഭിണിയാക്കുകയും ചെയ്തതായി പാലക്കാട് നഗരസഭയിലെ കോൺഗ്രസ് കൗൺസിലർക്കെതിരെ പരാതി (Palakkad Municipality Councilor Harassment Case). നഗരസഭയിലെ 24-ാം വാർഡ് കൗൺസിലറും രാഹുൽ മാങ്കൂട്ടത്തിൽ എം.എൽ.എയുടെ അടുത്ത അനുയായിയുമായ പ്രശോഭ് സി. വത്സനെതിരെയാണ് ദളിത് യുവതി മുഖ്യമന്ത്രിക്ക് പരാതി നൽകിയത്. മുഖ്യമന്ത്രിയുടെ ഓഫീസിൽ ലഭിച്ച പരാതി നിലവിൽ ജില്ലാ പോലീസ് മേധാവിക്ക് കൈമാറിയിട്ടുണ്ട്.
ബ്യൂട്ടീഷ്യൻ കോഴ്സ് പഠിക്കാനായി പാലക്കാട്ടെത്തിയ താനുമായി പ്രശോഭ് സൗഹൃദം സ്ഥാപിക്കുകയും തുടർന്ന് താമസസ്ഥലത്തും കാറിലും ഹോട്ടലുകളിലും എത്തിച്ച് പീഡിപ്പിക്കുകയും ചെയ്തതായി യുവതി പരാതിയിൽ പറയുന്നു. ഗർഭിണിയാണെന്ന് അറിയിച്ചപ്പോൾ ഗർഭഛിദ്രത്തിനുള്ള മരുന്ന് കഴിക്കാൻ ഇയാൾ നിർബന്ധിച്ചു. രാഷ്ട്രീയ ഉന്നതരുമായുള്ള തന്റെ ബന്ധം കാണിച്ച് ഇയാൾ ഭീഷണിപ്പെടുത്തിയതായും പരാതിയിലുണ്ട്.
എം.എൽ.എ, എം.പി എന്നിവരുമായി തനിക്കുള്ള അടുത്ത ബന്ധം പ്രശോഭ് ദുരുപയോഗം ചെയ്തതായും അവരോടൊപ്പമുള്ള ചിത്രങ്ങൾ കാണിച്ച് സ്വാധീനിക്കാൻ ശ്രമിച്ചതായും യുവതി ആരോപിക്കുന്നു. രാഹുൽ മാങ്കൂട്ടത്തിൽ എം.എൽ.എ താമസിക്കുന്ന ഫ്ലാറ്റ് ഉൾപ്പെടുന്ന വാർഡിലെ കൗൺസിലറാണ് പ്രശോഭ്.
കഴിഞ്ഞ തദ്ദേശ തെരഞ്ഞെടുപ്പിൽ പ്രശോഭിനെ സ്ഥാനാർത്ഥിയാക്കിയതിനെതിരെ കോൺഗ്രസിനുള്ളിൽ തന്നെ വലിയ പ്രതിഷേധം ഉയർന്നിരുന്നു. ഇതിൽ പ്രതിഷേധിച്ച് ഏഴ് കോൺഗ്രസ് ഭാരവാഹികൾ അന്ന് രാജിവെച്ചിരുന്നു. രാഹുൽ മാങ്കൂട്ടത്തിൽ ജയിൽ മോചിതനായി പാലക്കാട്ടെത്തിയപ്പോൾ അദ്ദേഹത്തിന് സ്വീകരണമൊരുക്കുന്നതിലും പ്രശോഭ് മുൻപന്തിയിലുണ്ടായിരുന്നു.
യുവതിയുടെ പരാതിയിൽ പോലീസ് പ്രാഥമിക അന്വേഷണം ആരംഭിച്ചിട്ടുണ്ട്. പട്ടികജാതി-പട്ടികവർഗ പീഡന നിരോധന നിയമപ്രകാരമുള്ള വകുപ്പുകൾ ഉൾപ്പെടെ കേസിൽ ഉൾപ്പെടുത്തിയേക്കും.
Short Story Summary:
A Dalit woman has filed a complaint with the Chief Minister against Palakkad Municipality Congress Councilor Prashobh C. Valsan, alleging sexual harassment and impregnation under the pretext of offering a job. The complainant stated that Prashobh, a close aide of Rahul Mamkoottathil MLA, lured her into a friendship and exploited her at various locations. She also alleged that he forced her to take abortion pills and used his political influence to intimidate her. The Palakkad District Police Chief is currently investigating the case.
