തൃപ്പൂണിത്തറ: തൃപ്പൂണിത്തറയിലെ ജനങ്ങൾ തന്നെ ഇതിനോടകം തന്നെ തങ്ങളുടെ എംഎൽഎയായി അംഗീകരിച്ചു കഴിഞ്ഞുവെന്ന് നടിയും എൻഡിഎ സ്ഥാനാർത്ഥിയുമായ അഞ്ജലി നായർ (Anjali Nair NDA Candidate Thrippunithura). തിരഞ്ഞെടുപ്പ് പ്രചാരണത്തിനിടെ ലഭിക്കുന്ന ജനപിന്തുണയും സ്വീകാര്യതയും ചൂണ്ടിക്കാട്ടി വലിയ ആത്മവിശ്വാസത്തോടെയാണ് താരം സംസാരിച്ചത്.
പ്രചാരണത്തിനിടെയുണ്ടായ ചില അനുഭവങ്ങൾ അഞ്ജലി പങ്കുവെച്ചു:
“ഒരു ദിവസം രാത്രി ഭക്ഷണം കഴിക്കാൻ പോയപ്പോൾ ഒരാൾ പറഞ്ഞു, ‘വേഗം കൊടുക്ക്, എംഎൽഎ കഴിച്ചിട്ട് പോകട്ടെ ആദ്യം’ എന്ന്. ഞാൻ അത്ഭുതത്തോടെ നോക്കിയപ്പോൾ അദ്ദേഹം പറഞ്ഞത് ‘ഞങ്ങളുടെയൊക്കെ എംഎൽഎയാണ്’ എന്നാണ്. എല്ലാവരും ഇപ്പോൾ എന്നെ അങ്ങനെയാണ് വിളിക്കുന്നത്. അവർ എന്നെ അവരുടെ പ്രതിനിധിയായി ഉറപ്പിച്ചു കഴിഞ്ഞു.”
പല വീടുകളിലും ചെല്ലുമ്പോൾ ജനങ്ങൾ തനിക്കായി സമ്മാനങ്ങൾ കരുതി വെക്കുന്നുണ്ടെന്നും വേദി നോക്കാതെ ജനങ്ങൾ തന്നോട് വന്ന് സങ്കടങ്ങൾ പറയുന്നതും വലിയ വിശ്വാസത്തിന്റെ അടയാളമാണെന്നും അഞ്ജലി കൂട്ടിച്ചേർത്തു. ജനങ്ങളുടെ ദുഃഖം നേരിട്ട് കാണുമ്പോൾ അവരുടെ അമർഷവും തന്നോടുള്ള പ്രതീക്ഷയും മനസ്സിലാക്കാൻ സാധിക്കുന്നുണ്ടെന്നും താരം പറഞ്ഞു.
എൻഡിഎ മുന്നണിയുടെ ട്വന്റി20 സ്ഥാനാർത്ഥിയായാണ് അഞ്ജലി നായർ ഇത്തവണ തൃപ്പൂണിത്തറയിൽ ജനവിധി തേടുന്നത്. ‘ചക്ക’ ചിഹ്നത്തിലാണ് താരം മത്സരിക്കുന്നത്. സിനിമയിലെ പ്രശസ്തിക്കപ്പുറം ജനകീയ വിഷയങ്ങളിൽ ഇടപെടുന്ന രാഷ്ട്രീയ പ്രവർത്തകയായി മാറാനാണ് തന്റെ ശ്രമമെന്ന് അഞ്ജലി നേരത്തെ വ്യക്തമാക്കിയിരുന്നു.
നിയമസഭാ തിരഞ്ഞെടുപ്പിന്റെ പരസ്യപ്രചാരണം അവസാന ഘട്ടത്തിലെത്തി നിൽക്കെ, മണ്ഡലത്തിൽ അഞ്ജലി നടത്തുന്ന സജീവമായ പ്രചാരണം വലിയ രാഷ്ട്രീയ ശ്രദ്ധ പിടിച്ചുപറ്റിയിട്ടുണ്ട്.
Story Summary:
Actress and NDA candidate Anjali Nair expressed her strong confidence in winning the Thrippunithura constituency in the 2026 Assembly elections. She stated that the local people have already accepted her as their MLA, often addressing her by the title during her campaign visits. Contesting as the NDA’s Twenty20 candidate with the ‘Jackfruit’ symbol, Anjali shared emotional experiences from her campaign trail, highlighting the deep trust and expectations people have placed in her.
