കണ്ണൂർ: പാനൂർ പൊയിലൂരിൽ പരസ്യമായി കൊലവിളി മുദ്രാവാക്യവുമായി ഡിവൈഎഫ്ഐ പ്രവർത്തകർ. ആർഎസ്എസ് നേതാവ് കതിരൂർ മനോജിനെ കൊലപ്പെടുത്താൻ ഉപയോഗിച്ച വാൾ തേച്ചു മിനുക്കി വെച്ചിട്ടുണ്ടെന്ന പ്രകോപനപരമായ മുദ്രാവാക്യമാണ് ഡിവൈഎഫ്ഐ യുവജന റാലിയിൽ ഉയർന്നത്.(DYFI’s murderous slogan in Panoor)
ഡിവൈഎഫ്ഐ പാനൂർ ബ്ലോക്ക് സമ്മേളനത്തിന്റെ ഭാഗമായി നടത്തിയ യുവജന റാലിയിലാണ് കൊലവിളി ഉയർന്നത്. കതിരൂർ മനോജിനെ കൊലപ്പെടുത്തിയ വാൾ തേച്ചു മിനുക്കി വെച്ചിട്ടുണ്ട് എന്ന രീതിയിലായിരുന്നു മുദ്രാവാക്യങ്ങൾ. ഡിവൈഎഫ്ഐയുടെ പ്രാദേശിക, ബ്ലോക്ക് നേതാക്കൾ പങ്കെടുത്ത റാലിയിലാണ് പരസ്യമായ ഈ ഭീഷണി.
കഴിഞ്ഞ കുറച്ചു ദിവസങ്ങളായി മേഖലകളിൽ നിലനിൽക്കുന്ന രാഷ്ട്രീയ സംഘർഷത്തിന്റെ തുടർച്ചയായാണ് ഈ സംഭവം വിലയിരുത്തപ്പെടുന്നത്.
