കോഴിക്കോട്: ബസിൽ വെച്ച് ലൈംഗികാതിക്രമം നടത്തിയെന്ന് ആരോപിച്ച് ഷിംജിത മുസ്തഫ പങ്കുവെച്ച വീഡിയോയെത്തുടർന്ന് യുവാവ് ആത്മഹത്യ ചെയ്ത സംഭവത്തിൽ ഷിംജിതയ്ക്കെതിരെ പുതിയ പരാതി. അതേ ബസിൽ യാത്ര ചെയ്തിരുന്ന ഒരു പെൺകുട്ടിയാണ് തന്റെ ദൃശ്യങ്ങൾ അനാവശ്യമായി ചിത്രീകരിച്ച് പ്രചരിപ്പിച്ചുവെന്ന് കാട്ടി പോലീസിനെ സമീപിച്ചത്.(Another girl has filed a complaint against Shimjitha, says Deepak’s family)
ദീപക്കിനെതിരെ ചിത്രീകരിച്ച വീഡിയോയിൽ തന്റെ മുഖം വ്യക്തമായി പതിഞ്ഞിട്ടുണ്ടെന്നും ഇത് അനുവാദമില്ലാതെ സോഷ്യൽ മീഡിയയിൽ പ്രചരിപ്പിച്ചുവെന്നും പരാതിയിൽ പറയുന്നു. ദൃശ്യങ്ങൾ നീക്കം ചെയ്യണമെന്നാവശ്യപ്പെട്ട് ജനുവരി 17-നാണ് പരാതി നൽകിയത്.
കണ്ണൂർ പോലീസ് പരാതി ലഭിച്ച കാര്യം സ്ഥിരീകരിച്ചുവെന്നാണ് കുടുംബം പറയുന്നത്. പരാതിയുടെ കൂടുതൽ വിവരങ്ങൾക്കായി ദീപക്കിന്റെ കുടുംബം വിവരാവകാശ അപേക്ഷ നൽകിയിരിക്കുകയാണ്.
