കോട്ടയം: എൻഎസ്എസ് ജനറൽ സെക്രട്ടറി സുകുമാരൻ നായരെ പെരുന്നയിലെ ആസ്ഥാനത്തെത്തി കണ്ട് പി.എസ്. ശ്രീധരൻ പിള്ള. ഞായറാഴ്ച രാവിലെ ജില്ലാ നേതാക്കൾക്കൊപ്പം എത്തിയ അദ്ദേഹം 20 മിനിറ്റോളം സുകുമാരൻ നായരുമായി സംസാരിച്ചു.(PS Sreedharan Pillai meets G Sukumaran Nair at NSS headquarters, BJP makes a crucial move)
എൻഎസ്എസുമായി ബിജെപിക്ക് യാതൊരു തർക്കവുമില്ലെന്ന് അദ്ദേഹം പറഞ്ഞു. തർക്കമില്ലാത്ത സ്ഥിതിക്ക് അനുനയത്തിന്റെ ആവശ്യമില്ല. എൻഎസ്എസ് എന്നും തങ്ങളെ അനുഗ്രഹിച്ചിട്ടുള്ളവരാണ്. രാഷ്ട്രീയത്തിന് അപ്പുറമുള്ള ഹൃദയബന്ധമാണുള്ളത് എന്നും അദ്ദേഹം പറഞ്ഞു. മുൻപത്തെ വിമർശനങ്ങളെക്കുറിച്ച് പ്രതികരിക്കാൻ അദ്ദേഹം തയ്യാറായില്ല.
ശ്രീധരൻ പിള്ളയുമായി രാഷ്ട്രീയത്തിന് അതീതമായ വ്യക്തിബന്ധമാണുള്ളതെന്ന് സുകുമാരൻ നായർ പ്രതികരിച്ചു. ഈ സന്ദർശനത്തെ രാഷ്ട്രീയവുമായി ബന്ധപ്പെടുത്തേണ്ടതില്ലെന്നും അദ്ദേഹം കൂട്ടിച്ചേർത്തു.
