തൃശൂർ: പൊള്ളലേറ്റ് തൃശൂർ മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന പെരിഞ്ഞനം സ്വദേശിനി അർച്ചന (30) മരിച്ചു. ശനിയാഴ്ച വൈകുന്നേരം 4:30ഓടെയായിരുന്നു അന്ത്യം.(Woman undergoing treatment for burn injuries in Thrissur died)
പെരിഞ്ഞനം ഓണപ്പറമ്പ് കക്കരിപ്പാടത്തിന് തെക്കുഭാഗം കോഴിപ്പറമ്പിൽ സുബീഷിന്റെ ഭാര്യയാണ് അർച്ചന. കഴിഞ്ഞ ശനിയാഴ്ച രാത്രി പത്ത് മണിയോടെയാണ് അർച്ചനയ്ക്ക് പൊള്ളലേറ്റത്.
എൺപത് ശതമാനത്തോളം പൊള്ളലേറ്റ യുവതിയെ ആദ്യം എറണാകുളത്തെ സ്വകാര്യ ആശുപത്രിയിലാണ് പ്രവേശിപ്പിച്ചത്. ആരോഗ്യനില അതീവ ഗുരുതരമായതിനെ തുടർന്ന് പിന്നീട് വിദഗ്ധ ചികിത്സയ്ക്കായി തൃശൂർ മെഡിക്കൽ കോളേജിലേക്ക് മാറ്റുകയായിരുന്നു.
