വാഷിംഗ്ടൺ ഡിസി: ഇറാന്റെ സൈനിക ശക്തിയെ തളയ്ക്കാൻ ലക്ഷ്യമിട്ടുള്ള കർശന നിർദ്ദേശങ്ങൾ ട്രംപ് പുറപ്പെടുവിച്ചു (Donald Trump Iran warning 2026). തന്റെ സോഷ്യൽ മീഡിയ പ്ലാറ്റ്ഫോമായ ‘ട്രൂത്ത് സോഷ്യലിലൂടെയാണ്’ (Truth Social) ട്രംപ് നിലപാട് വ്യക്തമാക്കിയത്. ഇറാന്റെ പ്രധാന സാമ്പത്തിക സ്രോതസ്സായ ഖാർഗ് ദ്വീപിനെ കേന്ദ്രീകരിച്ചാണ് ട്രംപിന്റെ പുതിയ നീക്കങ്ങൾ.
ഇറാന്റെ എണ്ണ കയറ്റുമതിയുടെ 90 ശതമാനവും നടക്കുന്ന ഖാർഗ് ദ്വീപിലെ സൈനിക കേന്ദ്രങ്ങൾ അമേരിക്കൻ സേന തകർത്തതായി ട്രംപ് അവകാശപ്പെട്ടു. നിലവിൽ എണ്ണ ടെർമിനലുകൾ സുരക്ഷിതമാണെങ്കിലും ഏത് നിമിഷവും അവ ആക്രമിക്കപ്പെട്ടേക്കാമെന്ന സൂചനയും ട്രംപ് നൽകി.
ഹോർമൂസ് കടലിടുക്കിലൂടെയുള്ള അന്താരാഷ്ട്ര കപ്പൽ ഗതാഗതം തടയാൻ ഇറാൻ ശ്രമിച്ചാൽ ഖാർഗിലെ എണ്ണ ടെർമിനലുകൾ പൂർണ്ണമായും തകർക്കാൻ മടിക്കില്ലെന്ന് ട്രംപ് മുന്നറിയിപ്പ് നൽകി.ഇറാനിൽ നിലവിലുള്ള ഭരണകൂടത്തെ മാറ്റുക എന്ന ലക്ഷ്യത്തിലേക്കാണ് അമേരിക്ക വിരൽ ചൂണ്ടുന്നത്. ഇതിന്റെ ഭാഗമായി മിഡിൽ ഈസ്റ്റിൽ കൂടുതൽ സൈനിക വിന്യാസം നടത്താൻ പെന്റഗൺ ഉത്തരവിട്ടിട്ടുണ്ട്.
അതേസമയം , ഇറാന്റെ എണ്ണ ഉൽപ്പാദന കേന്ദ്രങ്ങളെ അമേരിക്ക ലക്ഷ്യം വെക്കുന്നത് ആഗോള വിപണിയിൽ ഇന്ധനവില കുതിച്ചുയരാൻ കാരണമാകും. ഇന്ത്യയുൾപ്പെടെയുള്ള രാജ്യങ്ങളിലേക്ക് എൽ.പി.ജി കപ്പലുകൾ അയക്കാൻ ഇറാൻ തയ്യാറെടുക്കുന്നതിനിടെയുള്ള ട്രംപിന്റെ ഈ നീക്കം നയതന്ത്ര തലത്തിൽ വലിയ ചർച്ചകൾക്കാണ് വഴിവെക്കുന്നത്.
Story Summary: US President Donald Trump issued a stern warning to the Iranian military, demanding they surrender and lay down their arms. In a post on Truth Social, Trump claimed that US forces destroyed military installations on Kharg Island, a key oil export hub for Iran. He warned of attacking oil terminals if Iran blocked the Strait of Hormuz and highlighted the push for regime change.
