ടെഹ്റാൻ: ഇസ്രയേലിനെതിരെയുള്ള സൈനിക നടപടി ഇറാൻ വൻതോതിൽ വർദ്ധിപ്പിച്ചു. ആക്രമണത്തിന് ഉപയോഗിച്ച മിസൈലുകളിൽ തങ്ങളോട് ഐക്യദാർഢ്യം പ്രഖ്യാപിച്ച ലോകരാജ്യങ്ങളിലെ ജനങ്ങൾക്ക് നന്ദി അറിയിച്ചുകൊണ്ടുള്ള സന്ദേശങ്ങൾ എഴുതിയാണ് ഇറാൻ വിക്ഷേപിച്ചത്. ഇതിന്റെ ചിത്രങ്ങളും ഇറാൻ പുറത്തുവിട്ടു.(Thank you people of India, Iran with a note on the missile)
‘ഇന്ത്യയിലെ ജനങ്ങൾക്ക് നന്ദി’ എന്ന് മിസൈലിന് പുറത്ത് എഴുതിയ ചിത്രങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്നുണ്ട്. ഇന്ത്യയെക്കൂടാതെ ജർമ്മനി, സ്പെയിൻ, പാകിസ്താൻ എന്നീ രാജ്യങ്ങളിലെ ജനങ്ങൾക്കും നന്ദി അറിയിച്ചുകൊണ്ടുള്ള സന്ദേശങ്ങൾ മിസൈലുകളിൽ രേഖപ്പെടുത്തിയിട്ടുണ്ട്.
ഇറാന്റെ എയ്റോ സ്പേസ് ഫോഴ്സിലെ ഉദ്യോഗസ്ഥർ മിസൈലുകൾക്ക് പുറത്ത് സന്ദേശങ്ങൾ എഴുതുന്നതിന്റെ ദൃശ്യങ്ങളാണ് പുറത്തുവന്നത്. തങ്ങളുടെ പോരാട്ടത്തിന് പിന്തുണ നൽകുന്ന ആഗോള ജനതയോടുള്ള നന്ദി പ്രകടനമായാണ് ഇറാൻ ഇതിനെ വിശേഷിപ്പിക്കുന്നത്. ഇസ്രയേലിനെതിരെ ഇറാൻ നടത്തുന്ന 83-ാമത്തെ സൈനിക നീക്കമാണിതെന്ന് ഐആർജിസി വ്യക്തമാക്കി.
