ചെന്നൈ: ഐപിഎൽ സീസണിലെ ആവേശകരമായ പോരാട്ടത്തിൽ ചെന്നൈ സൂപ്പർ കിങ്സ് ഇന്ന് പഞ്ചാബ് കിങ്സിനെ നേരിടും (Sanju Samson CSK debut Chennai). ഈ സീസണിൽ ചെന്നൈ ടീമിലെത്തിയ മലയാളി താരം സഞ്ജു സാംസൺ വെള്ളിയാഴ്ച സ്വന്തം തട്ടകമായ ചെപ്പോക്കിൽ ആദ്യ മത്സരത്തിനിറങ്ങുന്നു എന്നതാണ് ആരാധകരെ ആവേശത്തിലാക്കുന്നത്. ചെന്നൈ ടീമിന്റെ ഭാവി ക്യാപ്റ്റൻ എന്ന് വിശേഷിപ്പിക്കപ്പെടുന്ന സഞ്ജുവിന് തമിഴ്നാട്ടിൽ വലിയ ആരാധകപിന്തുണയാണുള്ളത്.
ഗുവാഹാട്ടിയിൽ നടന്ന ആദ്യ മത്സരത്തിൽ രാജസ്ഥാൻ റോയൽസിനോട് തോറ്റ ചെന്നൈക്ക് ഇന്നത്തെ മത്സരം നിർണ്ണായകമാണ്. ഹോം ഗ്രൗണ്ടിലെ കാണികളുടെ പിന്തുണയോടെ വിജയവഴിയിൽ തിരിച്ചെത്താമെന്ന പ്രതീക്ഷയിലാണ് ടീം. സഞ്ജുവിന്റെ ബാറ്റിംഗ് പ്രകടനം തന്നെയാകും ഇന്നത്തെ മത്സരത്തിലെ പ്രധാന ആകർഷണം. പരിക്കിന്റെ പിടിയിലായിരുന്ന പഞ്ചാബ് കിങ്സ് ക്യാപ്റ്റൻ ശ്രേയസ്സ് അയ്യർ ഇന്ന് കളത്തിലിറങ്ങിയേക്കുമെന്നാണ് റിപ്പോർട്ടുകൾ.
Story Summary:
Sanju Samson, who joined Chennai Super Kings (CSK) this IPL season, is set to play his first home match at Chepauk against Punjab Kings on Friday. CSK is looking for a comeback after losing their opening game to Rajasthan Royals. Meanwhile, Punjab Kings captain Shreyas Iyer, who sustained a hand injury during the match against Gujarat Titans, is expected to play as scans ruled out any fracture.
