മുംബൈ: ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെതിരായ തകർപ്പൻ വിജയത്തിന് പിന്നാലെയാണ് ഹാർദിക് പാണ്ഡ്യ തന്റെ സ്വകാര്യ ജീവിതത്തിലെ സന്തോഷവാർത്ത പങ്കുവെച്ചത് (Hardik Pandya Gift to Mahika Sharma ). ഇന്ത്യയിലെ ആദ്യത്തെ മെഴ്സിഡസ് ബെൻസ് വി-ക്ലാസ് (Mercedes-Benz V-Class) കാറാണ് ഹാർദിക് മഹീക ശർമയ്ക്ക് സമ്മാനമായി നൽകിയത്. പുതിയ കാറിനൊപ്പം ഇരുവരും നിൽക്കുന്ന ചിത്രങ്ങൾ സോഷ്യൽ മീഡിയയിൽ ഇതിനോടകം വൈറലായിക്കഴിഞ്ഞു.
ഏതാനും ആഴ്ചകൾക്ക് മുൻപ് 12 കോടി രൂപ വിലമതിക്കുന്ന ഫെരാരി കാർ ഹാർദിക് സ്വന്തമാക്കിയിരുന്നു. മുംബൈ നഗരത്തിലെ സ്പീഡ് ബ്രേക്കറുകൾക്കിടയിലൂടെ ഈ ആഡംബര കാർ ഓടിക്കാൻ ഹാർദിക് ബുദ്ധിമുട്ടുന്ന ദൃശ്യങ്ങൾ ആരാധകർക്കിടയിൽ വലിയ ചർച്ചയായിരുന്നു.1.7 കോടി രൂപയുടെ മെഴ്സിഡസ് ബെൻസ് വി-ക്ലാസ് ഇന്ത്യയിൽ ഇത്തരത്തിൽ ആദ്യത്തേതാണെന്നാണ് റിപ്പോർട്ടുകൾ സൂചിപ്പിക്കുന്നത്.
ക്രിക്കറ്റ് മൈതാനത്തും ഹാർദിക്കിന് ഇത് വിജയങ്ങളുടെ കാലമാണ്. 13 വർഷമായി നിലനിന്നിരുന്ന ഐപിഎൽ ഓപ്പണിങ് മാച്ച് തോൽവി എന്ന ‘ശാപം’ അവസാനിപ്പിക്കാൻ ഇത്തവണ മുംബൈയ്ക്ക് സാധിച്ചു. ഞായറാഴ്ച നടന്ന മത്സരത്തിൽ കൊൽക്കത്ത ഉയർത്തിയ 221 റൺസ് എന്ന കൂറ്റൻ സ്കോർ 19.1 ഓവറിൽ മുംബൈ മറികടന്നു.
താരമായത് രോഹിത്തും റിക്കൽട്ടണും: മുൻ നായകൻ രോഹിത് ശർമ്മയുടെയും (78) റയാൻ റിക്കൽട്ടണിന്റെയും (81) തകർപ്പൻ ബാറ്റിംഗാണ് മുംബൈയെ വിജയത്തിലെത്തിച്ചത്. ആറ് വിക്കറ്റിനായിരുന്നു മുംബൈയുടെ ഉജ്ജ്വല വിജയം.
Short Story Summary:
Mumbai Indians captain Hardik Pandya gifted a luxury Mercedes-Benz V-Class worth ₹1.7 crore to his girlfriend Mahika Sharma. This comes shortly after Hardik purchased a ₹12 crore Ferrari 12 Cilindri. On the field, Hardik led Mumbai Indians to a historic 6-wicket victory over KKR, breaking a 13-year opening match jinx at Wankhede Stadium, thanks to brilliant half-centuries from Rohit Sharma and Ryan Rickelton.
