ഹൈദരാബാദ്: ആരാധകർ ആവേശത്തോടെ കാത്തിരിക്കുന്ന ‘കൽക്കി’ രണ്ടാം ഭാഗത്തിന്റെ ചിത്രീകരണം ഹൈദരാബാദിലെ ശങ്കർപ്പള്ളിയിൽ ആരംഭിച്ചു (Kalki 2 Movie Updates). ലൊക്കേഷനിൽ നിന്നുള്ള ചിത്രങ്ങൾ അമിതാഭ് ബച്ചൻ തന്നെയാണ് സോഷ്യൽ മീഡിയയിലൂടെ പങ്കുവെച്ചത്. അശ്വത്ഥാമാവിന്റെ ഗെറ്റപ്പിലുള്ള ബച്ചനും വിില്ലൻ കഥാപാത്രമായ സുപ്രീം യാസ്കിനായി എത്തുന്ന കമൽഹാസനും ചിത്രത്തിലുണ്ട്.
1985-ൽ പുറത്തിറങ്ങിയ ‘ഗിരഫ്താർ’ എന്ന ചിത്രത്തിന് ശേഷം ആദ്യമായാണ് ബച്ചനും കമലും ഒരുമിച്ച് അഭിനയിക്കുന്നത്. കമലിനൊപ്പം വീണ്ടും സ്ക്രീൻ പങ്കിടുന്നതിലെ സന്തോഷം ബച്ചൻ കുറിപ്പിലൂടെ പങ്കുവെച്ചു. ഒന്നാം ഭാഗത്തിൽ അതിഥി വേഷത്തിൽ മാത്രം എത്തിയ കമൽഹാസൻ രണ്ടാം ഭാഗത്തിൽ മുഴുനീള വില്ലൻ വേഷത്തിലായിരിക്കും എത്തുക. ഒന്നാം ഭാഗത്തിൽ ഇരുവരും ഒന്നിച്ചുള്ള രംഗങ്ങൾ ഉണ്ടായിരുന്നില്ല.
ഒന്നാം ഭാഗത്തിൽ ദീപിക പദുകോൺ അവതരിപ്പിച്ച ‘സുമതി’ എന്ന കഥാപാത്രമായി രണ്ടാം ഭാഗത്തിൽ സായ് പല്ലവി എത്തും. പ്രതിഫലം വർദ്ധിപ്പിച്ചതിനെത്തുടർന്നാണ് ദീപികയ്ക്ക് പകരം സായ് പല്ലവിയെ തീരുമാനിച്ചതെന്നാണ് റിപ്പോർട്ടുകൾ.
സിനിമയുടെ 35 ശതമാനം നേരത്തെ തന്നെ ചിത്രീകരിച്ചിരുന്നു. പ്രഭാസ് ഉടൻ തന്നെ സെറ്റിൽ ജോയിൻ ചെയ്യും. നാഗ് അശ്വിൻ തന്നെയാണ് രണ്ടാം ഭാഗവും സംവിധാനം ചെയ്യുന്നത്.ആദ്യ ഭാഗം വലിയ വിജയം നേടിയ സാഹചര്യത്തിൽ രണ്ടാം ഭാഗത്തിനായി വൻ തയ്യാറെടുപ്പുകളാണ് അണിയറയിൽ നടക്കുന്നത്.
Story Summary: The shooting for Kalki Part 2 has commenced in Hyderabad. Amitabh Bachchan shared a photo from the set featuring himself in the Ashwatthama look alongside Kamal Haasan. This marks their onscreen reunion after 40 years since ‘Geraftaar’ (1985). Sai Pallavi replaces Deepika Padukone as ‘Sumathi’ in the sequel.
