ദുബായ്: പശ്ചിമേഷ്യയിൽ ഇസ്രയേൽ – ഇറാൻ സംഘർഷം രൂക്ഷമായ പശ്ചാത്തലത്തിൽ ദുബായ് ഉൾപ്പെടെയുള്ള ഗൾഫ് നഗരങ്ങൾ സുരക്ഷിതമാണെന്ന് വ്യക്തമാക്കി പ്രശസ്ത റാപ്പർ യോയോ ഹണി സിങ് (Honey Singh Dubai safety update). യുദ്ധഭീതിയെത്തുടർന്ന് ഗൾഫ് രാജ്യങ്ങളിൽ ആശങ്ക നിലനിൽക്കുന്ന സാഹചര്യത്തിലാണ് താൻ താമസിക്കുന്ന നഗരത്തിൽ എല്ലാം സമാധാനപൂർണ്ണമാണെന്ന് അദ്ദേഹം അറിയിച്ചത്.
ഇൻസ്റ്റഗ്രാം സ്റ്റോറിയിലൂടെയാണ് ഹണി സിങ് തന്റെ വിശേഷങ്ങൾ പങ്കുവെച്ചത്. ദുബായിലെ ഒരു റെസ്റ്റോറന്റിലിരുന്ന് ഭക്ഷണം കഴിക്കുന്ന വീഡിയോ പങ്കുവെച്ചുകൊണ്ട് അദ്ദേഹം ഇപ്രകാരം കുറിച്ചു:
“ദുബായ് സമാധാനപൂർണ്ണമാണ്, അതീവ സുരക്ഷിതവുമാണ്. വാർത്തകളിലെ അടിസ്ഥാനരഹിതമായ കിംവദന്തികൾ ആരും വിശ്വസിക്കരുത്.”
കഴിഞ്ഞ ദിവസം ദുബായിലെ തന്റെ റെക്കോർഡിങ് സ്റ്റുഡിയോയിൽ നിന്നുള്ള ദൃശ്യങ്ങളും അദ്ദേഹം പുറത്തുവിട്ടിരുന്നു. “ഞങ്ങൾ ദുബായിൽ സുരക്ഷിതരാണ്, ഇവിടെ ജോലി തുടരുകയാണ്” എന്നായിരുന്നു അദ്ദേഹത്തിന്റെ വാക്കുകൾ. യുദ്ധപശ്ചാത്തലത്തിൽ വിമാന സർവീസുകൾ തടസ്സപ്പെട്ടതും വിവിധയിടങ്ങളിൽ സ്ഫോടനങ്ങൾ റിപ്പോർട്ട് ചെയ്തതും പ്രവാസികൾക്കിടയിൽ വലിയ പരിഭ്രാന്തിയുണ്ടാക്കിയിരുന്നു. ഈ സാഹചര്യത്തിലാണ് താരത്തിന്റെ പോസ്റ്റ് ശ്രദ്ധേയമാകുന്നത്.
Story Summary:
Amidst the escalating Israel-Iran conflict and rising concerns in Gulf nations, rapper Yo Yo Honey Singh, currently in Dubai, has assured his fans that the city is safe. Through his Instagram stories, he shared videos of him working and dining, urging people not to believe baseless rumors. He emphasized that Dubai remains peaceful and secure despite the regional tensions.
