കൊൽക്കത്ത: പ്രമുഖ ബംഗാളി നടൻ രാഹുൽ അരുണോദയ് ബാനർജി അന്തരിച്ചു. ഒഡീഷയിലെ തൽസാരി കടൽത്തീരത്ത് വെച്ച് പുതിയ വെബ് സീരീസിന്റെ ചിത്രീകരണത്തിനിടെയുണ്ടായ അപകടത്തിലാണ് മരണം സംഭവിച്ചത്.(Bengali actor Rahul Arunoday Banerjee dies while shooting for series in Odisha)
‘ഭോലെ ബാബ പാർ കരേഗ’ എന്ന സീരീസിന്റെ ചിത്രീകരണത്തിനായി തൽസാരി കടൽത്തീരത്തെത്തിയതായിരുന്നു രാഹുലും സംഘവും. ഔദ്യോഗിക ചിത്രീകരണം പൂർത്തിയായെങ്കിലും ഒരു ഡ്രോൺ ഷോട്ട് കൂടി എടുക്കാൻ തീരുമാനിക്കുകയായിരുന്നു.
ആദ്യ ടേക്ക് പൂർത്തിയായെങ്കിലും, രണ്ടാമതൊരു ടേക്ക് കൂടി എടുക്കണമെന്ന് രാഹുൽ ആവശ്യപ്പെടുകയായിരുന്നു. സഹപ്രവർത്തകർ വിലക്കിയിട്ടും രാഹുൽ കടലിന്റെ ആഴമേറിയ ഭാഗത്തേക്ക് നീങ്ങിയെന്ന് സംവിധായകൻ സുഭാശിഷ് മൊണ്ടൽ പറഞ്ഞു. ഇതിനിടെ ശക്തമായ തിരമാലയിൽപ്പെട്ട് രാഹുൽ വഴുതി വീഴുകയായിരുന്നു.
