ചെന്നൈ: അനശ്വര രാജൻ കേന്ദ്രകഥാപാത്രത്തെ അവതരിപ്പിച്ച ഏറ്റവും പുതിയ തമിഴ് ചിത്രം ‘ലക്കി ദ സൂപ്പർ സ്റ്റാർ’ ഒടിടിയിൽ സ്ട്രീമിംഗ് ആരംഭിച്ചു (Anaswara Rajan Lucky The Super Star). ചിത്രത്തിലെ താരത്തിന്റെ ബോൾഡ് ലുക്കുകൾ പുറത്തുവന്നതോടെയാണ് സോഷ്യൽ മീഡിയയിൽ ചർച്ചകൾക്ക് തുടക്കമായത്. തമിഴ് സിനിമയിലെത്തുമ്പോൾ മലയാളി നടിമാർ എന്തിന് ഗ്ലാമർ വേഷങ്ങൾ സ്വീകരിക്കുന്നു എന്നാണ് വിമർശകരുടെ പ്രധാന ചോദ്യം.
ചിത്രത്തിലെ ഗ്ലാമർ രംഗങ്ങൾക്കെതിരെ ഒരു വിഭാഗം സൈബർ ഇടങ്ങളിൽ വിമർശനം ഉന്നയിക്കുമ്പോൾ, താരത്തിന് പൂർണ്ണ പിന്തുണയുമായി ആരാധകർ രംഗത്തെത്തി. അഭിനയ പ്രാധാന്യമുള്ള വേഷങ്ങൾക്കൊപ്പം തന്നെ വൈവിധ്യമാർന്ന വേഷങ്ങൾ പരീക്ഷിക്കാനുള്ള താരത്തിന്റെ സ്വാതന്ത്ര്യത്തെയാണ് ആരാധകർ ഉയർത്തിക്കാട്ടുന്നത്. മുൻപ് ഹിന്ദിയിലും തെലുങ്കിലും അഭിനയിച്ചിട്ടുള്ള അനശ്വരയ്ക്ക് അഭിനയത്തിന്റെ കാര്യത്തിൽ ഭാഷാ അതിർവരമ്പുകളില്ലെന്നും ഇവർ വാദിക്കുന്നു.
തമിഴ് ചിത്രങ്ങളിൽ എത്തുമ്പോൾ മാത്രം മലയാള നടിമാർ ഗ്ലാമർ വേഷങ്ങളിലേക്ക് മാറുന്നു എന്ന സ്ഥിരം പല്ലവിയാണ് വിമർശകർ ഇത്തവണയും ആവർത്തിക്കുന്നത്.
‘ദി ഫാമിലി മാൻ’ സീരീസിലൂടെ പ്രശസ്തനായ ഉദയ് മഹേഷ് ആണ് ചിത്രം സംവിധാനം ചെയ്തിരിക്കുന്നത്. വഴിതെറ്റിപ്പോയ ‘ലക്കി’ എന്ന് പേരുള്ള ഒരു നായക്കുട്ടിയെയും, അവനുമായി ബന്ധപ്പെടുന്ന ആളുകളുടെ ജീവിതത്തിലുണ്ടാകുന്ന രസകരവും വൈകാരികവുമായ മാറ്റങ്ങളുമാണ് സിനിമയുടെ ഇതിവൃത്തം.
ജി.വി. പ്രകാശ് നായകനാകുന്ന ചിത്രത്തിൽ ശ്രദ്ധേയമായ പ്രകടനമാണ് അനശ്വര കാഴ്ചവെച്ചിരിക്കുന്നത്. ഉദയ് മഹേഷ് തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്.
Story Summary: Anaswara Rajan’s latest Tamil movie ‘Lucky The Super Star’ opposite GV Prakash has been released on OTT. The actress’s glamorous appearance in the film has sparked a debate on social media, with fans supporting her while critics target her for the bold look.
