കാണ്പൂർ: ഓൺലൈനായി ഓർഡർ ചെയ്ത ബിരിയാണിയിൽ നായയുടെ കാലിന് സമാനമായ മാംസക്കഷണം കണ്ടെത്തിയതായി പരാതി (Kanpur Zomato biriyani complaint). കാണ്പൂർ സ്വദേശിയായ ഉപഭോക്താവ് സൊമാറ്റോ (Zomato) വഴി വരുത്തിയ ഭക്ഷണത്തിലാണ് അസ്വാഭാവികമായ മാംസക്കഷണം കണ്ടത്. ഇദ്ദേഹം എക്സിലൂടെ (X) പങ്കുവെച്ച വീഡിയോ സോഷ്യൽ മീഡിയയിൽ നിമിഷങ്ങൾക്കകം വൈറലായി.
ബിരിയാണിയിലെ മാംസക്കഷണം സൂം ചെയ്ത് കാണിക്കുന്ന വീഡിയോയിൽ, ഇത് കോഴിയുടേയോ ആടിന്റേയോ അല്ലെന്നും നായയുടെ കാലാണെന്നും ഉപഭോക്താവ് ഉറപ്പിച്ചു പറയുന്നുണ്ട്. വീഡിയോ പ്രചരിച്ചതോടെ സൊമാറ്റോയ്ക്കും ബന്ധപ്പെട്ട ഹോട്ടലിനുമെതിരെ വലിയ ജനരോഷമാണ് ഉയരുന്നത്.
ഭക്ഷണശാലകളുടെ ഗുണനിലവാരം പരിശോധിക്കാതെ ഇത്തരം പ്ലാറ്റ്ഫോമുകൾ പ്രവർത്തിക്കുന്നത് ശരിയല്ലെന്ന് ഒരു വിഭാഗം വാദിക്കുന്നു. ഹോട്ടലുകൾക്കെതിരെ കർശന നടപടി വേണമെന്നാണ് ഇവരുടെ ആവശ്യം. സൊമാറ്റോ ഒരു ഡെലിവറി പ്ലാറ്റ്ഫോം മാത്രമാണെന്നും മോശം ഭക്ഷണത്തിന് ഹോട്ടലിനെയാണ് കുറ്റപ്പെടുത്തേണ്ടതെന്നും മറ്റൊരു വിഭാഗം ചൂണ്ടിക്കാട്ടുന്നു.
ശാസ്ത്രീയമായ ലാബ് പരിശോധനകൾ നടത്താതെ ഇത്തരം കാര്യങ്ങളിൽ നിഗമനത്തിലെത്തരുതെന്നും ചിലർ അഭിപ്രായപ്പെടുന്നുണ്ട്.
പരാതിക്കാരൻ ഏത് ഹോട്ടലിൽ നിന്നാണ് ബിരിയാണി വാങ്ങിയതെന്ന കാര്യം വീഡിയോയിൽ വെളിപ്പെടുത്തിയിട്ടില്ല. സംഭവത്തിൽ സൊമാറ്റോ ഇതുവരെ ഔദ്യോഗികമായ വിശദീകരണം നൽകിയിട്ടില്ലെങ്കിലും, ഭക്ഷ്യ സുരക്ഷാ വിഭാഗം അന്വേഷണം നടത്തണമെന്ന ആവശ്യം ശക്തമാണ്.
Wow ! Delicious 😋 Dog Biryani 🤡 pic.twitter.com/ExnDWsy6uD
— void (@wosgnn) March 12, 2026
Story Summary:
A Zomato user in Kanpur has alleged finding a piece of meat resembling a dog’s leg in a biriyani ordered online. A video showing the suspicious meat has gone viral on social media, sparking outrage against both the food delivery giant and the unnamed restaurant. While some demand strict action against the eatery, others caution against making claims without lab verification. Zomato has not yet officially responded to the incident.
