കൊച്ചി: ഇന്ത്യൻ മൂലധന വിപണിയുടെ ഗതിനിർണ്ണയിക്കുന്ന പ്രധാന സൂചികയായ നിഫ്റ്റി 50 (Nifty 50) മുപ്പതാം വർഷത്തിലേക്ക് കടന്നതിന്റെ ആവേശത്തിൽ നാഷണൽ സ്റ്റോക്ക് എക്സ്ചേഞ്ച് (NSE). മുംബൈയിലെ എക്സ്ചേഞ്ച് പ്ലാസയിൽ നടന്ന പ്രൗഢഗംഭീരമായ ചടങ്ങിൽ വിപണി പ്രമുഖരും വിവിധ കമ്പനി പ്രതിനിധികളും പങ്കെടുത്തു (Nifty 50 30 years).
വിപണിയുടെ വളർച്ചാ സൂചിക: 1996 ഏപ്രിൽ 22-ന് തുടക്കം കുറിച്ച നിഫ്റ്റി 50, ഇന്ന് ഇന്ത്യയിലെ 50 പ്രമുഖ കമ്പനികളുടെ പ്രകടനം വിലയിരുത്തുന്ന ആഗോളതലത്തിൽ ശ്രദ്ധിക്കപ്പെടുന്ന ബെഞ്ച്മാർക്കാണ്. ഇന്ത്യയുടെ സാമ്പത്തിക വളർച്ചയുടെയും നിക്ഷേപകരുടെ വർധിച്ചുവരുന്ന ആത്മവിശ്വാസത്തിന്റെയും പ്രതിഫലനമാണ് ഈ സൂചികയെന്ന് ചടങ്ങിൽ മുഖ്യാതിഥിയായി പങ്കെടുത്ത സെബി (SEBI) പ്രതിനിധി തുഹിൻ കാന്ത പാണ്ഡെ അഭിപ്രായപ്പെട്ടു.
പ്രധാന നാഴികക്കല്ലുകൾ:
കഴിഞ്ഞ 30 വർഷത്തിനിടെ നിക്ഷേപകർക്ക് മികച്ച ലാഭം നൽകാൻ നിഫ്റ്റിക്ക് സാധിച്ചു.
ഇന്ത്യയിലെ ഇൻഡക്സ് ഫണ്ടുകൾക്കും ഇടിഎഫുകൾക്കും (ETF) കരുത്തുറ്റ അടിത്തറ പാകിയത് നിഫ്റ്റിയാണ്.
വാർഷികാഘോഷത്തിന്റെ ഭാഗമായി ‘നിഫ്റ്റി പനോരമ’ (Nifty Panorama) എന്ന പുസ്തകവും, വിപണിയുടെ പരിണാമം വ്യക്തമാക്കുന്ന ‘Nifty 50: Thirty Years of India’s Market Evolution’ എന്ന ധവളപത്രവും പ്രകാശനം ചെയ്തു.
വിപണിയുടെ വളർച്ചയിൽ നിർണ്ണായക പങ്കുവഹിച്ച നിഫ്റ്റി 50 കമ്പനികളെയും വിപണി പങ്കാളികളെയും ചടങ്ങിൽ പ്രത്യേകം ആദരിച്ചു. മൂന്ന് പതിറ്റാണ്ട് പിന്നിടുമ്പോൾ ലോകത്തിലെ തന്നെ ഏറ്റവും വലിയ ഡെറിവേറ്റീവ് എക്സ്ചേഞ്ചുകളിൽ ഒന്നായി എൻഎസ്ഇയെ മാറ്റുന്നതിൽ നിഫ്റ്റി വഹിച്ച പങ്ക് വളരെ വലുതാണ്.
Story Summary:
The National Stock Exchange (NSE) celebrated the 30th anniversary of its benchmark index, Nifty 50, at Exchange Plaza, Mumbai. Launched in 1996, Nifty 50 has become the cornerstone of India’s capital market. The event, attended by market leaders and SEBI representatives, featured the release of a commemorative book and a white paper on India’s market evolution.
