ഇന്ത്യൻ വിപണിയിൽ മികച്ച മുന്നേറ്റം തുടരുന്ന സ്കോഡ ഓട്ടോ ഇന്ത്യയ്ക്ക് 2026-ന്റെ തുടക്കത്തിലും റെക്കോർഡ് നേട്ടം (Skoda India Sales 2026). ഈ വർഷം ജനുവരി മുതൽ മാർച്ച് വരെയുള്ള ആദ്യ ത്രൈമാസത്തിൽ 20,028 കാറുകളാണ് കമ്പനി വിറ്റഴിച്ചത്. സ്കോഡ ഇന്ത്യയുടെ ചരിത്രത്തിലെ ഏറ്റവും ഉയർന്ന ത്രൈമാസിക വിൽപനയാണിത്.
കഴിഞ്ഞ വർഷത്തെ അപേക്ഷിച്ച് മികച്ച വളർച്ചയാണ് ഈ വർഷം ആദ്യ മൂന്ന് മാസങ്ങളിൽ കമ്പനി കൈവരിച്ചത്. കഴിഞ്ഞ വർഷം ഇതേ കാലയളവിൽ 17,138 കാറുകളായിരുന്നു വിറ്റിരുന്നത്. ഇത്തവണ അത് 20,028 ആയി ഉയർന്നു.വിൽപനയിൽ ഏകദേശം 17 ശതമാനം വളർച്ചയാണ് സ്കോഡ രേഖപ്പെടുത്തിയത്.
കൈലാഖിന്റെ കരുത്തിൽ സ്കോഡ
സ്കോഡയുടെ ഈ കുതിപ്പിന് പ്രധാന കരുത്തായത് പുതുതായി പുറത്തിറങ്ങിയ കൈലാഖ് (Kylaq) ആണ്. ഇന്ത്യൻ വിപണിയിൽ ഇതിനകം 50,000 യൂണിറ്റുകൾ വിറ്റഴിക്കുക എന്ന നാഴികകല്ല് കൈലാഖ് പിന്നിട്ടു കഴിഞ്ഞു. കൈലാഖിനായുള്ള ആവശ്യക്കാരുടെ എണ്ണം വർദ്ധിച്ചുവരുന്നത് കമ്പനിക്ക് വലിയ ആത്മവിശ്വാസമാണ് നൽകുന്നത്.
കൂടാതെ, പുത്തൻ കുഷാഖ്, സ്ലാവിയ എന്നിവയ്ക്കുള്ള സ്ഥിരതയാർന്ന ഡിമാൻഡും പ്രീമിയം എസ് യു വി സെഗ്മെന്റിൽ കോഡിയാഖിന് ലഭിക്കുന്ന സ്വീകാര്യതയും സ്കോഡയുടെ വളർച്ചയ്ക്ക് വേഗം കൂട്ടുന്നു. ഉപഭോക്താക്കളുടെ താൽപ്പര്യത്തിനനുസരിച്ചുള്ള പരിഷ്കാരങ്ങളും സുരക്ഷാ മാനദണ്ഡങ്ങളും സ്കോഡ ഇന്ത്യയെ വിപണിയിൽ കൂടുതൽ ശക്തമാക്കുകയാണ്.
Story Summary:
Skoda Auto India recorded its highest-ever quarterly sales in the first three months of 2026, selling 20,028 units. This marks a 17% growth compared to the 17,138 units sold during the same period last year. The growth is primarily driven by the massive demand for the Skoda Kylaq, which has surpassed 50,000 units in sales, alongside consistent support from the Kushaq, Slavia, and Kodiaq models.
