തിരുവനന്തപുരം: ക്രിക്കറ്റ് പ്രേമികൾ ഏറെ ആകാംഷയോടെ കാത്തിരിക്കുന്ന കേരള ക്രിക്കറ്റ് ലീഗിന് (KCL) മുന്നോടിയായി സംഘടിപ്പിച്ച കെസിഎൽ ഫാൻ ലീഗ് മത്സരങ്ങൾ വൻ ആരാധക പങ്കാളിത്തം കൊണ്ട് ശ്രദ്ധേയമാകുന്നു (KCL Fan League Thiruvananthapuram Champions Fortune Cricket Club). ടൂർണ്ണമെൻ്റിൻ്റെ ഭാഗമായി തിരുവനന്തപുരത്ത് ആവേശകരമായി നടന്ന മത്സരങ്ങളിൽ ഫോർച്യൂൺ ക്രിക്കറ്റ് ക്ലബ്ബ് ജേതാക്കളായി കിരീടം ചൂടി. ഫൈനലിൽ മികച്ച പോരാട്ടം കാഴ്ചവെച്ച പാർത്ഥസാരഥി ക്രിക്കറ്റ് ക്ലബ്ബാണ് റണ്ണേഴ്സ് അപ്പ് പദവി സ്വന്തമാക്കിയത്.
കെസിഎല്ലിൽ മത്സരിക്കുന്ന ആറ് ഫ്രാഞ്ചൈസി ടീമുകൾ പ്രതിനിധീകരിക്കുന്ന സംസ്ഥാനത്തെ വിവിധ പ്രമുഖ ജില്ലകളിലാണ് ഈ ഫാൻ ലീഗ് മത്സരങ്ങൾ നടക്കുന്നത്. ഇതിൽ തിരുവനന്തപുരത്ത് നടന്ന പ്രാദേശിക മത്സരങ്ങളിൽ മാത്രം ആകെ 32 ഓളം ടീമുകളാണ് പങ്കെടുത്തത്. കളിയിലെ ആവേശം കൂട്ടാനായി ടെന്നീസ് പന്ത് ഉപയോഗിച്ച് അഞ്ചോവർ (5 Overs) വീതമുള്ള കളി മാത്രമായിരുന്നു മൈതാനത്ത് അരങ്ങേറിയത്. പൂർണ്ണമായും നോക്കൌട്ട് ഫോർമാറ്റിലായിരുന്നു മത്സരങ്ങൾ ക്രമീകരിച്ചിരുന്നത്.
ഏറെ ആകാംഷ നിറഞ്ഞ ഫൈനൽ പോരാട്ടത്തിൽ ആദ്യം ബാറ്റ് ചെയ്ത പാർത്ഥസാരഥി ക്രിക്കറ്റ് ക്ലബ്ബ് നിശ്ചിത അഞ്ച് ഓവറിൽ അഞ്ച് വിക്കറ്റ് നഷ്ടത്തിൽ 52 റൺസാണ് എടുത്തത്. മറുപടി ബാറ്റിംഗിന് ഇറങ്ങിയ ഫോർച്യൂൺ ക്രിക്കറ്റ് ക്ലബ്ബ് അഞ്ച് വിക്കറ്റ് നഷ്ടത്തിൽ അവസാന ഓവറിൽ നാടകീയമായി ലക്ഷ്യത്തിലെത്തി വിജയം വരിക്കുകയായിരുന്നു. ബോയ്സ് ഓഫ് മണ്ണന്തല, ഓറിയോൺ തിരുവനന്തപുരം എന്നിവയാണ് ടൂർണ്ണമെന്റിൽ മികച്ച പ്രകടനം നടത്തി അവസാന നാലിലെത്തിയ (Semi-Finalists) മറ്റ് രണ്ട് ടീമുകൾ.
ടൂർണ്ണമെന്റിലുടനീളം മികച്ച പ്രകടനം കാഴ്ചവെച്ച ഫോർച്യൂൺ ക്രിക്കറ്റ് ക്ലബ്ബിൻ്റെ രഞ്ജിത് ആണ് പ്ലെയർ ഓഫ് ദി സീരീസായി തെരഞ്ഞെടുക്കപ്പെട്ടത്. ഫോർച്യൂൺ ക്രിക്കറ്റ് ക്ലബ്ബിൻ്റെ തന്നെ ആർ. ആർ. രാഹുൽ മികച്ച ബാറ്ററായും, ബോയ്സ് ഓഫ് മണ്ണന്തലയുടെ ഉണ്ണി ശിവകുമാർ മികച്ച ബൗളറായും തെരഞ്ഞെടുക്കപ്പെട്ടു. വലിയ ജനപിന്തുണയോടെ തിരുവനന്തപുരത്തെ മത്സരങ്ങൾ പൂർത്തിയായതോടെ, അടുത്ത ഘട്ട മത്സരങ്ങൾക്ക് കോഴിക്കോട് വേദിയാകും.
Story Summary: Ahead of the highly anticipated Kerala Cricket League (KCL), the KCL Fan League matches kicked off in Thiruvananthapuram with high fan engagement. Fortune Cricket Club emerged as the champions of the Trivandrum leg by defeating Parthasarathy Cricket Club in a thrilling 5-over knockout tennis-ball tournament that featured 32 teams. Ranjith from Fortune CC was named Player of the Series, while his teammate R. R. Rahul bagged the Best Batter award and Unni Shivakumar from Boys of Mannanthala won Best Bowler. The next phase of the fan league is scheduled to take place in Kozhikode.
