തൃശ്ശൂർ: കെഎസ്ആർടിസി (KSRTC) ബസുകളിലെ ജീവനക്കാരുടെ അച്ചടക്കമില്ലായ്മ വീണ്ടും ചർച്ചയാകുന്നു (KSRTC Driver Stops Super Fast Bus Paan Thrissur). റോഡരികിൽ നിർത്തിയിട്ട കെഎസ്ആർടിസി സൂപ്പർ ഫാസ്റ്റ് ബസിലെ ഡ്രൈവർ യാത്രക്കാരെ ഉള്ളിലിരുത്തി മുറുക്കാൻ വാങ്ങാൻ പോയതാണ് ഒടുവിലത്തെ സംഭവം. തൃശ്ശൂർ ചിയ്യാരത്താണ് കെഎസ്ആർടിസിയെ നാണംകെടുത്തുന്ന ഈ വേറിട്ട സംഭവം അരങ്ങേറിയത്.
തൃശ്ശൂർ ഡിപ്പോയിൽ നിന്നും തലസ്ഥാന നഗരമായ തിരുവനന്തപുരത്തേക്ക് ദീർഘദൂര സർവീസ് നടത്തുകയായിരുന്ന സൂപ്പർ ഫാസ്റ്റ് ബസാണ് ചിയ്യാരത്ത് വെച്ച് ഡ്രൈവർ റോഡരികിലേക്ക് ഒതുക്കി നിർത്തിയത്. യാതൊരുവിധ ഔദ്യോഗിക സ്റ്റോപ്പും ഇല്ലാത്ത സ്ഥലത്താണ് ഉള്ളിൽ നിറയെ യാത്രക്കാരുണ്ടായിരുന്ന ബസ് ഡ്രൈവർ സ്വന്തം ആവശ്യത്തിനായി നിർത്തിയിട്ടത്. തുടർന്ന് ബസിൽ നിന്നും പുറത്തേക്കിറങ്ങിയ ഡ്രൈവർ വഴിയരികിലെ ഒരു പെട്ടിക്കടയിൽ നിന്നും മുറുക്കാൻ വാങ്ങിയ ശേഷമാണ് തിരികെ വന്ന് ബസെടുത്തു പോയത്. ഈ അനാസ്ഥയുടെ ദൃശ്യങ്ങൾ മീഡിയ വൺ ചാനലിന് ലഭിച്ചു. ബസ് നിർത്തിയിട്ട സമയത്ത് സമീപത്തുണ്ടായിരുന്ന കാൽനടയാത്രക്കാരിൽ ഒരാൾ മൊബൈൽ ഫോണിൽ പകർത്തിയ വീഡിയോയാണ് ഇപ്പോൾ പുറത്തുവന്നിരിക്കുന്നത്.
Story Summary:
A KSRTC Super Fast bus driver faced criticism after halting the bus with passengers on board at Chiyyaram, Thrissur, to buy paan (chewing tobacco) from a roadside shop. The footage captured by a local went viral on Media One. Meanwhile, in an unrelated incident, KSRTC launched an official inquiry against three staff members at the Thampanoor depot in Thiruvananthapuram—Controlling Inspector Abdul Faizi, and Station Masters Anilkumar and Muhammad Rafi—for allegedly misbehaving with commuters who asked about bus timings.
