ഹൈദരാബാദ്: വിജയ് ദേവരകൊണ്ട നായകനാകുന്ന ബിഗ് ബജറ്റ് ചിത്രം ‘റൗഡി ജനാർദ്ദന’യുടെ സ്പെഷ്യൽ ബർത്ത് ഡേ പോസ്റ്റർ പുറത്തുവിട്ടു (Vijay Deverakonda Birthday). ദിൽ രാജുവും ശിരീഷും നിർമ്മിച്ച് രവി കിരൺ കോല സംവിധാനം ചെയ്യുന്ന ഈ ചിത്രം ഒരു പാൻ ഇന്ത്യൻ ഗ്രാമീണ ആക്ഷൻ ഡ്രാമയായാണ് ഒരുങ്ങുന്നത്.
മഴയിൽ നനഞ്ഞ് കയ്യിൽ തോക്കുമായി നിൽക്കുന്ന വിജയ് ദേവരകൊണ്ടയുടെ തീക്ഷ്ണമായ ലുക്കാണ് പോസ്റ്ററിലെ ഹൈലൈറ്റ്.നായിക കീർത്തി സുരേഷ് വിജയിന്റെ നെഞ്ചിൽ കാൽവെച്ച് നിൽക്കുന്ന ദൃശ്യം ആരാധകർക്കിടയിൽ വലിയ ചർച്ചയായിട്ടുണ്ട്. ഇരുവരും തമ്മിലുള്ള ശക്തമായ പ്രണയവും അതേസമയം കഥാപാത്രങ്ങൾക്കിടയിലെ സംഘർഷവുമാണ് പോസ്റ്റർ സൂചിപ്പിക്കുന്നത്.
ആനന്ദ് സി. ചന്ദ്രൻ ഛായാഗ്രഹണവും ക്രിസ്റ്റോ സേവ്യർ സംഗീത സംവിധാനവും നിർവ്വഹിക്കുന്നു. ശ്രീ വെങ്കടേശ്വര ക്രിയേഷൻസിന്റെ ബാനറിലാണ് ചിത്രം ഒരുങ്ങുന്നത്. ഈ വർഷം ഡിസംബറിൽ ചിത്രം ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തും. വിജയ് ദേവരകൊണ്ടയുടെ കരിയറിലെ ഏറ്റവും ശ്രദ്ധേയമായ ആക്ഷൻ വേഷങ്ങളിലൊന്നായിരിക്കും ഇതെന്നാണ് അണിയറപ്രവർത്തകർ നൽകുന്ന സൂചന.
Story Summary: On the occasion of Vijay Deverakonda’s birthday, the makers of his upcoming film “Rowdy Janardhana” released a special poster. Directed by Ravi Kiran Kola and produced by Dil Raju under Sri Venkateswara Creations, the poster features a rain-drenched Vijay with a pistol, while Keerthy Suresh is seen in a striking pose with her foot on his chest. The pan-Indian rural action drama is scheduled for a December release.
