മുംബൈ: ഐപിഎൽ 2026-ന്റെ ഫൈനൽ പോരാട്ടം ബംഗളൂരുവിലെ ചിന്നസ്വാമി സ്റ്റേഡിയത്തിൽ നിന്ന് അഹമ്മദാബാദിലെ നരേന്ദ്ര മോദി സ്റ്റേഡിയത്തിലേക്ക് മാറ്റിയതായി ബിസിസിഐ ഔദ്യോഗികമായി അറിയിച്ചു ( IPL 2026 Final Venue Change). നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബംഗളൂരുവിന്റെ ഹോം ഗ്രൗണ്ടായ ചിന്നസ്വാമിയിൽ മെയ് 31-നായിരുന്നു ഫൈനൽ നിശ്ചയിച്ചിരുന്നത്. എന്നാൽ നഗരത്തിലെ സങ്കീർണ്ണമായ ‘രാഷ്ട്രീയ സാഹചര്യങ്ങൾ’ കാരണമാണ് ഈ മാറ്റമെന്ന് ബിസിസിഐ വ്യക്തമാക്കി.
ലോജിസ്റ്റിക് പരമായ തടസ്സങ്ങളും പ്രാദേശിക അധികാരികളുടെ ബിസിസിഐ പ്രോട്ടോക്കോളുകൾക്ക് നിരക്കാത്ത ആവശ്യങ്ങളും ചൂണ്ടിക്കാട്ടിയാണ് വേദിയുടെ മാറ്റം. എന്നാൽ ഇതിന് പിന്നിൽ ടിക്കറ്റ് വിതരണവുമായി ബന്ധപ്പെട്ട രാഷ്ട്രീയ തർക്കങ്ങളാണെന്ന് റിപ്പോർട്ടുകൾ സൂചിപ്പിക്കുന്നു.
ഐപിഎൽ മത്സരങ്ങൾക്കായി ഓരോ എംഎൽഎയ്ക്കും കുറഞ്ഞത് അഞ്ച് ടിക്കറ്റുകൾ വീതം നൽകണമെന്ന് കോൺഗ്രസ് എംഎൽഎ വിജയാനന്ദ് കാശപ്പനവർ ആവശ്യപ്പെട്ടിരുന്നു. ജനപ്രതിനിധികൾ വിഐപികളാണെന്നും അവർ ക്യൂ നിൽക്കേണ്ടവരല്ലെന്നുമായിരുന്നു അദ്ദേഹത്തിന്റെ വാദം. ഇതിന് പിന്നാലെ എംഎൽഎമാർക്കും എംപിമാർക്കും മൂന്ന് ടിക്കറ്റുകൾ വീതം നൽകുമെന്ന് കർണാടക ഉപമുഖ്യമന്ത്രി ഡി.കെ. ശിവകുമാർ അറിയിച്ചിരുന്നു. ഇത്തരം രാഷ്ട്രീയ സമ്മർദ്ദങ്ങളും ടിക്കറ്റ് ആവശ്യങ്ങളും ബിസിസിഐയുടെ മാർഗ്ഗനിർദ്ദേശങ്ങൾക്ക് പുറത്തായതിനാൽ, സുഗമമായ നടത്തിപ്പിനായി ഫൈനൽ വേദി മാറ്റാൻ ബോർഡ് തീരുമാനിക്കുകയായിരുന്നു.
ഫൈനൽ അഹമ്മദാബാദിലേക്ക് മാറ്റിയതോടെ ക്വാളിഫയർ 1, ക്വാളിഫയർ 2, എലിമിനേറ്റർ മത്സരങ്ങളുടെ വേദികളും ബിസിസിഐ പുനർനിശ്ചയിച്ചു. പഞ്ചാബിലും കർണാടകയിലുമായിട്ടാകും പ്ലേഓഫ് മത്സരങ്ങൾ നടക്കുക. നിലവിലെ ചാമ്പ്യന്മാരായിട്ടും ഒരു പ്ലേഓഫ് മത്സരം പോലും ബംഗളൂരുവിന് അനുവദിക്കാത്തതിൽ ആരാധകർക്കിടയിൽ പ്രതിഷേധമുണ്ട്.
Summary: The BCCI has shifted the IPL 2026 final from Bengaluru to Ahmedabad’s Narendra Modi Stadium due to “political complications” and operational issues. The controversy reportedly stems from Karnataka MLAs demanding complimentary VIP tickets for matches, which goes against BCCI protocols. Despite RCB being the defending champions, Bengaluru will not host any playoff matches this season.
