ബംഗളൂരു: ജോലിസ്ഥലമാണോ അതോ ആഡംബര മാളാണോ? ബംഗളൂരുവിലെ ഗൂഗിളിന്റെ പുതിയ ക്യാമ്പസായ ‘അനന്ത’യുടെ ദൃശ്യങ്ങൾ കണ്ട് സോഷ്യൽ മീഡിയ ചോദിക്കുന്ന ചോദ്യമാണിത് (Google Ananta office Bengaluru video). 2025-ൽ പ്രവർത്തനം ആരംഭിച്ച ഈ പരിസ്ഥിതി സൗഹൃദ ക്യാമ്പസ്, ബംഗളൂരുവിന്റെ ‘ഗാർഡൻ സിറ്റി’ എന്ന ആശയത്തെ അടിസ്ഥാനമാക്കിയാണ് രൂപകൽപ്പന ചെയ്തിരിക്കുന്നത്. അർപ്പിത ദാഷ് എന്ന യുവതി ഇൻസ്റ്റാഗ്രാമിൽ പങ്കുവെച്ച വീഡിയോയിലൂടെയാണ് ഓഫീസിലെ അത്യാധുനിക സൗകര്യങ്ങൾ പുറംലോകം അറിഞ്ഞത്. കഫേ കോർണറുകൾ മുതൽ മിനി ഗോൾഫ് കോഴ്സ് വരെ നീളുന്ന സൗകര്യങ്ങൾ വീഡിയോയിൽ കാണാം.
ഇന്ത്യൻ, തായ്, ചൈനീസ്, പാൻ-ഏഷ്യൻ വിഭവങ്ങൾ മുതൽ സ്ട്രീറ്റ് ഫുഡ് വരെ ലഭിക്കുന്ന ഫുഡ് കോർട്ട് മാതൃകയിലുള്ള ഡൈനിംഗ് ഏരിയ. ജോലിക്കിടയിലെ സമ്മർദ്ദം കുറയ്ക്കാൻ മസാജ് ചെയറുകൾ, നാപ് പോഡുകൾ, മെഡിറ്റേഷൻ റൂമുകൾ എന്നിവ സജ്ജീകരിച്ചിട്ടുണ്ട്. ഓഫീസിനുള്ളിൽ തന്നെ മിനി ഗോൾഫ് കളിക്കാനുള്ള സൗകര്യം. കൂടാതെ ഗെയിമിംഗ് സോണുകളും ഇതിന്റെ ഭാഗമാണ്. വനപ്രതീതി ജനിപ്പിക്കുന്ന ‘അരണ്യ’ സോണുകളും ഒത്തുചേരലുകൾക്കായി ‘സഭ’ എന്നറിയപ്പെടുന്ന ഇടങ്ങളും ക്യാമ്പസിനെ വ്യത്യസ്തമാക്കുന്നു.
View this post on Instagram
“എനിക്ക് ഇവിടെ ജീവിക്കാൻ തോന്നു” എന്ന കുറിപ്പോടെ പങ്കുവെച്ച വീഡിയോ ഇതിനോടകം ദശലക്ഷക്കണക്കിന് ആളുകളാണ് കണ്ടത്. ഗൂഗിളിന്റെ ആഗോള ഓഫീസുകൾക്ക് സമാനമായി, ജോലിസ്ഥലത്തെ കേവലം ഒരു ഓഫീസ് എന്നതിലുപരി ഒരു കമ്മ്യൂണിറ്റി സെന്റർ പോലെയാക്കുക എന്ന ലക്ഷ്യത്തോടെയാണ് അനന്ത ക്യാമ്പസും പ്രവർത്തിക്കുന്നത്.
Summary: Google’s new Ananta campus in Bengaluru is trending on social media for its luxury amenities. The eco-friendly office, inspired by the “Garden City” theme, features gourmet food courts, a mini-golf course, massage chairs, and forest-themed collaborative spaces. A viral video walk-through by Arpita Dash showcased the workspace, which many users compared to a high-end mall.
