ഓൺലൈൻ പണമിടപാടുകൾ കൂടുതൽ ലളിതമാക്കാൻ ലക്ഷ്യമിട്ട് ഇ-കൊമേഴ്സ് ഭീമനായ ഫ്ലിപ്കാർട്ട്, ആക്സിസ് ബാങ്ക്, പേയു (PayU) എന്നിവയുമായി ചേർന്ന് ബയോമെട്രിക് ഓതന്റിക്കേഷൻ സംവിധാനം പുറത്തിറക്കി (Flipkart biometric payment). ഇതോടെ ആക്സിസ് ബാങ്ക് കാർഡ് ഉപയോഗിക്കുന്നവർക്ക് ഒടിപി (OTP) കാത്തുനിൽക്കാതെ തന്നെ ഫേസ് ഐഡി അല്ലെങ്കിൽ വിരലടയാളം ഉപയോഗിച്ച് സെക്കൻഡുകൾക്കുള്ളിൽ ഇടപാടുകൾ പൂർത്തിയാക്കാം.
റിസർവ് ബാങ്കിന്റെ സുരക്ഷാ മാനദണ്ഡങ്ങൾ പാലിച്ച് നിർമ്മിച്ച ഈ സംവിധാനം, തട്ടിപ്പുകൾ തടയാൻ ഡിവൈസ് ബൈൻഡിംഗ് പോലുള്ള നൂതന സുരക്ഷാ മാർഗ്ഗങ്ങളാണ് ഉപയോഗിക്കുന്നത്. പേയു മെർച്ചന്റ് ഇൻഫ്രാസ്ട്രക്ചർ വഴിയാണ് ഇതിന്റെ സാങ്കേതിക പ്രവർത്തനങ്ങൾ നടക്കുന്നത്. വിബ്മോയുടെ (Wibmo) സഹായത്തോടെ ആക്സിസ് ബാങ്ക് ഓതന്റിക്കേഷൻ പ്രക്രിയ ഉറപ്പാക്കുന്നു. ഉപഭോക്താക്കൾക്ക് കൂടുതൽ വേഗത്തിലും സുരക്ഷിതമായും ഷോപ്പിംഗ് അനുഭവം നൽകാൻ ഈ മാറ്റം സഹായിക്കും.
Story Summary: Flipkart, in collaboration with Axis Bank and PayU, has launched a biometric authentication system for card payments, allowing users to verify transactions using Face ID or fingerprints instead of OTPs. This move, aligned with RBI guidelines, enhances transaction security and speed through advanced device binding technology.
