ചെന്നൈ: തെന്നിന്ത്യൻ സിനിമയിലെ മുൻനിര നായികയാകാൻ മമിത ബൈജുവിന് സാധിക്കുമെന്ന് നടൻ ധനുഷ് (Mamitha Baiju Tamil Debut). ‘കര’ എന്ന ചിത്രത്തിന്റെ പ്രമോഷനിടെയാണ് മമിതയെ നിത്യാ മേനോനോട് ധനുഷ് ഉപമിച്ചത്. മമിതയുടെ കരിയറിൽ വലിയൊരു വഴിത്തിരിവാകും ഈ ചിത്രമെന്നാണ് ട്രെയിലർ നൽകുന്ന സൂചന.
“മുന്നിരയിലേക്ക് വരാൻ മാത്രം കഴിവുള്ള നടിയായിട്ടാണ് ഞാൻ നിങ്ങളെ കാണുന്നത്. ഞാൻ ഇതിന് മുൻപ് ഇത്രയും കഴിവുള്ള മറ്റൊരു നടിയെ കണ്ടത് നിത്യാ മേനോനെയാണ്. നിത്യക്കുള്ള അതേ ക്വാളിറ്റിയും കഴിവും നിങ്ങൾക്കുണ്ട്. അത് കളയാതെ നല്ല രീതിയിൽ ഉപയോഗിച്ച് ഒരുപാട് അവാർഡുകൾ വാങ്ങണം. ‘കര’യിൽ നിങ്ങൾ അത്രത്തോളം നന്നായി അഭിനയിച്ചിട്ടുണ്ട്,” ധനുഷ് പറഞ്ഞു.
‘കര’: ഒരു തീവ്ര ക്രൈം ഡ്രാമ
വൻ വിജയം നേടിയ ‘പോർ തൊഴിൽ’ എന്ന ചിത്രത്തിന് ശേഷം വിഘ്നേഷ് രാജ സംവിധാനം ചെയ്യുന്ന ചിത്രമാണിത്. മമിതയ്ക്കൊപ്പം മലയാളത്തിൽ നിന്ന് ജയറാം, സുരാജ് വെഞ്ഞാറമൂട് എന്നിവരും പ്രധാന വേഷങ്ങളിലെത്തുന്നു. കൂടാതെ കെ.എസ്. രവികുമാർ, കരുണാസ് തുടങ്ങിയ വൻ താരനിരയും ചിത്രത്തിലുണ്ട്.സെൻസറിങ് പൂർത്തിയായ ചിത്രത്തിന് യു/എ (U/A) സർട്ടിഫിക്കറ്റാണ് ലഭിച്ചിരിക്കുന്നത്. ഏപ്രിൽ 30-ന് ചിത്രം തിയേറ്ററുകളിലെത്തും.
കുറ്റകൃത്യങ്ങളും സസ്പെൻസും നിറഞ്ഞ ഒരു ഇൻവെസ്റ്റിഗേറ്റീവ് ക്രൈം ഡ്രാമയായാണ് ‘കര’ ഒരുങ്ങുന്നത്. വേൽസ് ഫിലിം ഇന്റർനാഷണലിന്റെ ബാനറിൽ ഡോ. ഇഷാരി കെ. ഗണേഷാണ് ചിത്രം നിർമ്മിക്കുന്നത്. ‘പ്രേമലു’വിന് ശേഷം മമിത ബൈജുവിന്റെ മറ്റൊരു വിസ്മയ പ്രകടനം കാണാനായി കാത്തിരിക്കുകയാണ് ആരാധകർ.
Story Summary: Actor Dhanush praised Mamitha Baiju at the promotional event for their upcoming Tamil film ‘Kara’, comparing her talent to that of Nithya Menen. Directed by Vignesh Raja, the investigative crime drama also stars Jayaram and Suraj Venjaramoodu. The film has received a U/A certificate and is set to release worldwide on April 30.
