സാധാരണ ഗതിയിൽ ക്രെഡിറ്റ് സ്കോർ പരിശോധിക്കാൻ തേർഡ് പാർട്ടി ആപ്പുകളെ ആശ്രയിക്കുന്ന രീതിക്ക് പകരമായി (BHIM App CIBIL Score), കൂടുതൽ സുരക്ഷിതമായ ഭീം ആപ്പിലൂടെ തന്നെ ഈ സേവനം ലഭ്യമാക്കുകയാണ് ലക്ഷ്യം. ഉപഭോക്താക്കളുടെ സാമ്പത്തിക അവബോധം വർദ്ധിപ്പിക്കുന്നതിനും വ്യക്തമായ ധാരണയോടെ വായ്പകൾ ആസൂത്രണം ചെയ്യുന്നതിനും ഈ നീക്കം സഹായിക്കും.
റെഗുലേറ്ററി മാർഗ്ഗനിർദ്ദേശങ്ങൾ പാലിച്ച് ഉപഭോക്താവിന്റെ സമ്മതത്തോടെ മാത്രമേ വിവരങ്ങൾ ലഭ്യമാകൂ. ഇത് ഡാറ്റാ സുരക്ഷ ഉറപ്പാക്കുന്നു. പണമിടപാടുകൾക്കൊപ്പം സ്പ്ലിറ്റ് എക്സ്പെൻസസ്, ഫാമിലി മോഡ്, സ്പെൻഡ്സ് അനലിറ്റിക്സ് തുടങ്ങിയ സേവനങ്ങളുള്ള ഭീം ആപ്പിൽ ഇനി ക്രെഡിറ്റ് പ്രൊഫൈലും ട്രാക്ക് ചെയ്യാം.
ഗ്രാമ-നഗര വ്യത്യാസമില്ലാതെ എല്ലാവർക്കും ഉപയോഗിക്കാവുന്ന രീതിയിൽ 15-ലധികം ഇന്ത്യൻ ഭാഷകളിൽ ഭീം ആപ്പ് ലഭ്യമാണ്.
ഭീം ആപ്പിന്റെ 4.0.19 പതിപ്പിലും അതിന് ശേഷമുള്ള പതിപ്പുകളിലും ഈ പുതിയ സേവനം ലഭ്യമാകും.
ഭീം ആപ്പിലൂടെ ദശലക്ഷക്കണക്കിന് ഉപഭോക്താക്കൾക്ക് തങ്ങളുടെ ക്രെഡിറ്റ് റിപ്പോർട്ട് എളുപ്പത്തിൽ ലഭ്യമാക്കുന്നത് രാജ്യത്തെ സാമ്പത്തിക ശാക്തീകരണത്തിന്റെ പ്രധാന നാഴികക്കല്ലാണെന്ന് ട്രാൻസ് യൂണിയൻ സിബിൽ എം.ഡി ഭാവേഷ് ജെയിൻ പറഞ്ഞു. ദൈനംദിന ജീവിതത്തിന്റെ ഭാഗമായിത്തന്നെ സാമ്പത്തിക തീരുമാനങ്ങൾ എടുക്കാൻ ഇത് ജനങ്ങളെ സഹായിക്കുമെന്ന് ഭീം സർവീസസ് ലിമിറ്റഡ് എം.ഡി ലളിത നടരാജ് വ്യക്തമാക്കി.
Story Summary: Users can now check their CIBIL score and detailed credit information reports directly through the BHIM app, following a partnership between TransUnion CIBIL and NPCI BHIM Services Ltd. This service aims to enhance credit awareness and is available on BHIM app version 4.0.19 and above.
