തിരുവനന്തപുരം: സിനിമ-സീരിയൽ താരം ദിലീപ് ശങ്കറിനെ ഹോട്ടൽ മുറിയിൽ നിന്ന് മരിച്ച നിലയിൽ കണ്ടെത്തിയ സംഭവത്തിൽ കൂടുതൽ വിവരങ്ങൾ പുറത്ത്. ഇദ്ദേഹം താമസിച്ചിരുന്ന മുറിയിൽ ഫോറൻസിക് സംഘം പരിശോധന നടത്തി.(Actor Dileep Shankar found dead)
മരണത്തിൽ എന്തെങ്കിലും രീതിയിലുള്ള അസ്വാഭാവികത കാണുന്നില്ലെന്നാണ് പോലീസ് പറഞ്ഞത്. ഈ മുറിയിൽ നിന്നും കരൾ രോഗത്തിനുള്ള മരുന്ന് കണ്ടെത്തി.
ഒഴിഞ്ഞ 2 മദ്യക്കുപ്പികളും മുറിയിൽ നിന്നും ലഭിച്ചു. മൃതദേഹത്തിന് 2 ദിവസത്തിലേറെ പഴക്കമുള്ളതായാണ് വിവരം. മുറിയിൽ നിന്ന് ദുർഗന്ധം വമിച്ചിരുന്നു. പോസ്റ്റ്മോർട്ടത്തിന് വേണ്ടി മൃതദേഹം തിരുവനന്തപുരം മെഡിക്കൽ കോളേജിലേക്ക് മാറ്റി.
