പ്രണയം അത് നിന്നോടു മാത്രം.
നിൻ നയനത്തിൽ നിന്നു-
തിർന്ന് വീഴും നിണം എൻ
സിരകളിൽ ഉണർവ് തന്നു.
നിൻ നിണത്താൽ എഴുതി
ഞാൻ ഒരായിരം വാക്കുകൾ.
എൻ ജീവൻ തുടിപ്പകലും വരെ,
നിന്നെ എപ്പോഴും പ്രണയിച്ചിടും
നിന്നെ വിരൽത്തുമ്പിലൊളിപ്പിച്ചിടും.
നിനക്കായ് എഴുതി പുസ്തകത്താളിൽ.
നിനക്കുവേണ്ടി എൻ നെഞ്ചിൽ
അക്ഷരം കൊണ്ടൊരു കൂടുകെട്ടി.
അതിൽ നീയും ഞാനും
എൻ പുസ്തകത്താളും മാത്രമായ്…
——————————–
ബീന ബിനു
കൊല്ലം
