തിരുവനന്തപുരം: കേരള രാഷ്ട്രീയത്തിലെ നിലവിലെ സ്ഥിതിഗതികളിൽ യുഡിഎഫിനെയും എൻഡിഎയെയും ഒരുപോലെ വിമർശിച്ച് വെള്ളാപ്പള്ളി നടേശൻ (Vellappally Natesan Interview 2026). എൻഡിഎയിൽ ട്വന്റി-20 സഖ്യത്തിന് അമിത പ്രാധാന്യം നൽകിയത് തിരിച്ചടിയാകുമെന്നും യുഡിഎഫിൽ വി.ഡി. സതീശൻ സ്വീകരിക്കുന്ന നിലപാടുകൾ ബാലിശമാണെന്നും അദ്ദേഹം കുറ്റപ്പെടുത്തി.
എൻഡിഎയിൽ ട്വന്റി-20ക്ക് അമിത പ്രാധാന്യം നൽകി. റാന്നി, കൊടുങ്ങല്ലൂർ, ഏറ്റുമാനൂർ തുടങ്ങിയ സീറ്റുകൾ ട്വന്റി-20ക്ക് നൽകിയത് തെറ്റായ തീരുമാനമാണ്. ഇത് എൻഡിഎയുടെ സാധ്യതകളെ ബാധിക്കും. യുഡിഎഫിന് 100 സീറ്റ് കിട്ടിയാൽ അത് ലോകാവസാനത്തിന് തുല്യമായിരിക്കും. കോൺഗ്രസിൽ മുഖ്യമന്ത്രിയാകാൻ ഏറ്റവും യോഗ്യൻ രമേശ് ചെന്നിത്തലയാണ്. വി.ഡി. സതീശൻ വെറും ‘ബഫൂൺ’ ആണെന്നും അദ്ദേഹം പരിഹസിച്ചു.
കെ. സുധാകരനെയും അടൂർ പ്രകാശിനെയും മാറ്റിനിർത്തിയത് യുഡിഎഫിന് വലിയ തിരിച്ചടിയാകും. സതീശന്റെ നേതൃത്വത്തിൽ സുധാകരനെ വേട്ടയാടുകയായിരുന്നുവെന്നും വെള്ളാപ്പള്ളി ആരോപിച്ചു. കേരളത്തിൽ എൽഡിഎഫിന് തുടർഭരണമുണ്ടാകും. സീറ്റുകളുടെ എണ്ണം കുറഞ്ഞാലും എൽഡിഎഫ് തന്നെ അധികാരത്തിൽ വരുമെന്നാണ് തന്റെ വിലയിരുത്തലെന്ന് അദ്ദേഹം പറഞ്ഞു.
സമുദായ സംഘടനകൾ തമ്മിലുള്ള ഐക്യം തകരാൻ കാരണം എൻഎസ്എസിനുള്ളിലെ ആഭ്യന്തര പ്രശ്നങ്ങളാണ്. ഐക്യത്തെ അനുകൂലിച്ചതും പിന്നീട് എതിർത്തതും ജി. സുകുമാരൻ നായർ തന്നെയാണ്. തുഷാർ വെള്ളാപ്പള്ളി ചർച്ചയ്ക്ക് വരട്ടെ എന്ന് പറഞ്ഞതും മകനെപ്പോലെയാണെന്ന് വിശേഷിപ്പിച്ചതും സുകുമാരൻ നായരാണെന്ന് അദ്ദേഹം ഓർമ്മിപ്പിച്ചു. ഭാവിയിൽ ഐക്യം നടന്നേക്കാമെന്നും വെള്ളാപ്പള്ളി കൂട്ടിച്ചേർത്തു.
Short Story Summary:
SNDP Yogam General Secretary Vellappally Natesan criticized the seat-sharing strategies of NDA and UDF. He claimed giving prominent seats like Ranni and Ettumanoor to Twenty20 was a mistake for NDA. Natesan predicted a continued LDF rule and labeled V.D. Satheesan a “buffoon,” stating Ramesh Chennithala is the only worthy CM candidate in Congress. He also blamed NSS internal issues for the failure of the NSS-SNDP unity.
