കൊച്ചി: അന്തരിച്ച നടൻ കൊല്ലം സുധിയുടെ ഭാര്യയും ബിഗ് ബോസ് താരവുമായ രേണു സുധിക്കെതിരെ (Renu Sudhi) സംവിധായകൻ ആലപ്പി അഷ്റഫ് ഉന്നയിച്ച ആരോപണങ്ങളിൽ ശക്തമായ പ്രതികരണവുമായി രേണു. ബിഷപ്പ് നോബിൾ ഫിലിപ്പിനെ രേണു സുധിയുടെ ആളുകൾ വധിക്കാൻ ശ്രമിക്കുന്നുവെന്ന ആലപ്പി അഷ്റഫിന്റെ വീഡിയോയ്ക്കെതിരെയാണ് രേണു രംഗത്തെത്തിയത്. താൻ വളർന്നു വരുന്നത് സഹിക്കാത്തതുകൊണ്ടാണ് ഇത്തരം ശത്രുതയെന്നും യഥാർത്ഥത്തിൽ തന്റെ ജീവനാണ് ഭീഷണിയുള്ളതെന്നും രേണു ഏഷ്യാനെറ്റ് ന്യൂസ് ഓൺലൈനിനോട് പറഞ്ഞു.
ആലപ്പി അഷ്റഫിന് തന്നെ വ്യക്തിപരമായി അറിയില്ലെന്നും പിന്നെ എന്തിനാണ് ഇത്തരത്തിൽ ആരോപണം ഉന്നയിക്കുന്നതെന്ന് മനസ്സിലാകുന്നില്ലെന്നും രേണു പറഞ്ഞു. ബിഷപ്പ് താമസിക്കുന്ന വീടിന് ചുറ്റും പത്തോളം ക്യാമറകൾ ഉണ്ടെന്ന് പറയപ്പെടുന്നു. അങ്ങനെയിരിക്കെ ആരെങ്കിലും കൊല്ലാൻ വന്നാൽ അത് കണ്ടെത്താൻ ബുദ്ധിമുട്ടില്ലല്ലോ എന്നും രേണു ചോദിച്ചു. ബിഷപ്പിനെ പറ്റി താൻ ചിന്തിക്കാറില്ലെന്നും അദ്ദേഹത്തിൽ നിന്ന് ഒന്നും തനിക്ക് ലഭിക്കാനില്ലാത്ത സ്ഥിതിക്ക് എന്തിനാണ് താൻ ശത്രുവായി കാണുന്നതെന്നും താരം വ്യക്തമാക്കി.
ബിഷപ്പിന് പല ശത്രുക്കളും കാണുമെന്നും അതിന് തന്നെ പഴി പറയുന്നതിൽ അർത്ഥമില്ലെന്നും രേണു കൂട്ടിച്ചേർത്തു. ബിഷപ്പിന് പല ഗുണ്ടകളുമായി ബന്ധമുണ്ടെന്നാണ് താൻ അറിഞ്ഞിട്ടുള്ളത്. അതിനാൽ അദ്ദേഹത്തിനല്ല, മറിച്ച് തനിക്കാണ് ജീവന് ഭീഷണിയുള്ളതെന്നും രേണു പറഞ്ഞു. ആലപ്പി അഷ്റഫിന്റെ യൂട്യൂബ് വീഡിയോ സോഷ്യൽ മീഡിയയിൽ വൈറലായതിന് പിന്നാലെയാണ് വിശദീകരണവുമായി രേണു സുധി നേരിട്ടെത്തിയത്.
Bigg Boss fame Renu Sudhi, wife of late actor Kollam Sudhi, has hit back at director Aleppey Ashraf over his recent controversial YouTube video. Ashraf had alleged that Renu and her PR team were threatening the life of Bishop Noble Philip. Denying these claims, Renu stated that she has no reason to harm the Bishop and suggested that the hostility arises from her growing popularity. She further expressed concern for her own safety, alleging that the Bishop has connections with criminal elements.
