തിരുവനന്തപുരം: സമകാലിക ഇന്ത്യൻ രാഷ്ട്രീയത്തിലെ രാഹുൽ ഗാന്ധിയുടെ ഇടപെടലുകളെ വിശകലനം ചെയ്യുന്ന ‘ചന്ദ്രിക’ ആഴ്ചപ്പതിപ്പിന്റെ പുതിയ ലക്കം രാഹുൽ ഗാന്ധിക്ക് കൈമാറി (Rahul Gandhi Chandrika Weekly cover story). തിരുവനന്തപുരത്ത് നടന്ന പുതുയുഗ യാത്രയുടെ സമാപന ചടങ്ങിൽ വെച്ച് പാണക്കാട് സാദിഖ് അലി ശിഹാബ് തങ്ങളാണ് ആഴ്ചപ്പതിപ്പിന്റെ പ്രത്യേക ലക്കം അദ്ദേഹത്തിന് നൽകിയത്.
എഴുത്തുകാരൻ മൻസൂർ പള്ളൂർ തയ്യാറാക്കിയ “രാഹുൽ ഗാന്ധി: ഒരു രാഷ്ട്രീയ പരിഷ്കർത്താവിന്റെ ഉദയം” എന്ന ലേഖനമാണ് പുതിയ ലക്കത്തിലെ പ്രധാന ആകർഷണം. ഭാരത് ജോഡോ യാത്രയ്ക്ക് ശേഷം രാഹുൽ ഗാന്ധിയിലുണ്ടായ രാഷ്ട്രീയ പരിണാമം, ജനങ്ങളുമായുള്ള നേരിട്ടുള്ള ഇടപെടലുകൾ എന്നിവ ലേഖനം വിശദമായി പ്രതിപാദിക്കുന്നു. കൂടാതെ സാമൂഹിക നീതി, ഭരണഘടനാ മൂല്യങ്ങളുടെ സംരക്ഷണം, പങ്കാളിത്ത ജനാധിപത്യം എന്നിവയെ മുൻനിർത്തിയുള്ള അദ്ദേഹത്തിന്റെ നിലപാടുകളും ലേഖനത്തിൽ വിശകലനം ചെയ്യുന്നുണ്ട്.
യുഡിഎഫിന്റെ പ്രമുഖ നേതാക്കളുടെ സാന്നിധ്യത്തിലാണ് ചടങ്ങ് നടന്നത്. എഐസിസി ജനറൽ സെക്രട്ടറി കെ.സി. വേണുഗോപാൽ, പ്രതിപക്ഷ നേതാവ് വി.ഡി. സതീശൻ, രമേശ് ചെന്നിത്തല, പി.കെ. കുഞ്ഞാലിക്കുട്ടി, കെപിസിസി പ്രസിഡന്റ് അഡ്വ. സണ്ണി ജോസഫ്, കെ. സുധാകരൻ, എം.എം. ഹസ്സൻ, ശശി തരൂർ, കൊടിക്കുന്നിൽ സുരേഷ്, സച്ചിൻ പൈലറ്റ് തുടങ്ങിയവർ ചടങ്ങിൽ പങ്കെടുത്തു.
രാഹുൽ ഗാന്ധിയുടെ രാഷ്ട്രീയ ശൈലിയിലുണ്ടായ മാറ്റങ്ങളെ കേരളത്തിലെ വായനക്കാർക്കിടയിൽ ചർച്ചയാക്കാൻ ഈ ലേഖനം ലക്ഷ്യമിടുന്നു.
Story Summary:
Panakkad Sadiq Ali Shihab Thangal presented the latest issue of Chandrika Weekly, featuring a cover story on Rahul Gandhi, to the Congress leader during the valedictory session of the Puthuyuga Yatra in Thiruvananthapuram. The article titled “Rahul Gandhi: Rise of a Political Reformer” by Mansoor Palloor analyzes his transformation post-Bharat Jodo Yatra. Senior leaders including K.C. Venugopal, V.D. Satheesan, and P.K. Kunhalikutty were present.
