വിപണിയിൽ ലഭിക്കുന്ന ഫ്രൂട്ട് സിറപ്പുകളിലും ടിന്നിലടച്ച പഴങ്ങളിലും അവ കേടാകാതിരിക്കാനും രുചി കൂട്ടാനും കൃത്രിമ മധുരം അമിതമായി ചേർക്കാറുണ്ട്. ഇവ പൂർണ്ണമായും ഒഴിവാക്കുന്നതാണ് ആരോഗ്യത്തിന് നല്ലത്.

മൈദ ഉപയോഗിച്ച് ഉണ്ടാക്കുന്ന വൈറ്റ് ബ്രെഡുകളിൽ പഞ്ചസാരയുടെ അളവ് വളരെ കൂടുതലാണ്. ഇവയുടെ ഉയർന്ന ഗ്ലൈസേമിക് ഇൻഡക്സ് കാരണം രക്തത്തിലെ പഞ്ചസാരയുടെ അളവ് പെട്ടെന്ന് വർദ്ധിക്കും.

കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ടതാണ് ഫ്രെഞ്ച് ഫ്രൈസ്. കാർബോഹൈഡ്രേറ്റ് കൂടിയ ഉരുളക്കിഴങ്ങ് എണ്ണയിൽ വറുത്തെടുക്കുമ്പോൾ അത് ശരീരത്തിലെ ബ്ലഡ് ഷുഗർ ലെവൽ ദോഷകരമായി കൂട്ടും.