TIMESKERALA.COM
ENTERTAINMENT
ഇൻസ്റ്റാഗ്രാമിൽ പുതിയ സബ്സ്ക്രിപ്ഷൻ ഫീച്ചർ ആരംഭിക്കുന്ന വിവരവുമായി ജനപ്രിയ നടി മഞ്ജു പത്രോസ്. എന്നാൽ താരം നൽകുന്ന മുന്നറിയിപ്പ് ഇങ്ങനെ...
സബ്സ്ക്രിപ്ഷൻ പ്ലാറ്റ്ഫോമുകൾ ചിലർ ഭയങ്കരമായി ദുരുപയോഗം ചെയ്യുന്നുണ്ട്. കുറച്ചുപേർ കാണിക്കുന്ന തോന്ന്യാസങ്ങൾ കാരണം ഇത് പുറത്തുപറയാൻ തന്നെ തനിക്ക് മടിയും ചമ്മലുമുണ്ടായിരുന്നു എന്ന് മഞ്ജു വ്യക്തമാക്കുന്നു.
ചിലർ പ്രതീക്ഷിക്കുന്ന തരത്തിലുള്ള 'ത്രസിപ്പിക്കുന്ന' ഉള്ളടക്കങ്ങളൊന്നും തന്റെ പേജിൽ ഉണ്ടാകില്ലെന്നും, അത്തരം താല്പര്യമുള്ളവർ പണം നൽകി സബ്സ്ക്രൈബ് ചെയ്യേണ്ടതില്ലെന്നും താരം മുൻകൂട്ടി ഓർമ്മിപ്പിക്കുന്നു.
തന്റെ ജീവിതത്തിലെ ചെറിയ ചെറിയ യാത്രകൾ, അനുഭവങ്ങൾ, സന്തോഷങ്ങൾ, വിഷമങ്ങൾ എന്നിവ പങ്കുവെക്കാനാണ് ഈ പ്ലാറ്റ്ഫോം ഉപയോഗിക്കുകയെന്ന് മഞ്ജു പത്രോസ് പറയുന്നു.
പ്രധാനപ്പെട്ട ചില വിഷയങ്ങളിൽ സബ്സ്ക്രൈബ് ചെയ്തവരുമായി മാത്രമായി പ്രത്യേക ലൈവുകളിലൂടെയും വീഡിയോകളിലൂടെയും സംവദിക്കുമെന്നും താരം കൂട്ടിച്ചേർത്തു.
സബ്സ്ക്രൈബ് ചെയ്യുന്നത് രണ്ടുപേരായാലും അഞ്ചുപേരായാലും അവർക്കായി നല്ല ഉള്ളടക്കം ഉറപ്പായും നൽകും. വരും ദിവസങ്ങളിൽ തന്നെ ഇതിലൂടെ വീഡിയോകൾ പങ്കുവെച്ചു തുടങ്ങുമെന്നും മഞ്ജു വ്യക്തമാക്കി.